सिद्धार्थ शुक्लाच्या (Sidharth Shukla) मृत्यूनंतर त्याचे कुटुंबीय आणि चाहते पूर्णपणे शोकात आहेत. या घटनेनंतर सिद्धार्थची खास मैत्रीण शहनाज (Shehnaaz Gill) पूर्णपणे तुटली आहे. शहनाज आणि सिद्धार्थचे फोटो आणि व्हिडिओ सोशल मीडियावर (Social Media) शेअर केले जात आहेत. त्यांच्या आवडत्या स्टार्सच्या या अवस्थेमुळे चाहते दु: खी झाले आहेत. तिथेच शहनाज गिलचा भाऊ शाहबाज बदेशाने (Shehbaz Badesha) असे काही केले ज्यामुळे सर्वांचे मन जिंकले.
बिग बॉस 13 चा विजेता सिद्धार्थ, शहनाज तसेच त्याचा भाऊ शाहबाज यांच्या अगदी जवळ होता. सिद्धार्थ गेल्यापासून शाहबाज सतत सोशल मीडियावर भावनिक पोस्ट करत आहेत. आता 16 दिवसांनंतर, शाहबाजने आपल्या प्रिय मित्राच्या आठवणीत सिद्धार्थच्या चेहऱ्याचा त्याच्या हातावर टॅटू गोंदवला आहे. शहबाजने शहनाजचे देखील नाव त्याच्या टॅटूखाली लिहिले आहे. सोशल मीडियावर हे फोटो शेअर करत त्यांनी लिहिले की, 'या आठवणी नेहमी आमच्यासोबत असतील, तू माझ्याबरोबर माझ्या आठवणींमध्ये नेहमी जिवंत असशील'.
अलीकडेच टीव्ही अभिनेत्री रुबीना दिलीक आणि तिचा पती अभिनव शुक्ला सिद्धार्थच्या आईला घरी भेटायला गेले. स्पॉटबॉयशी झालेल्या संभाषणात अभिनव शुक्ला यांनी सांगितले की, शहनाज गिल अजूनही दुःखात आहेत आणि सिद्धार्थ शुक्ला आता आमच्यात नाहीत हे सत्य स्वीकारण्याचा प्रयत्न करत आहेत.
रुबिना म्हणाली की ती प्रार्थना करत आहे की देव सिद्धार्थची आई आणि शहनाजला हे दुःख सहन करण्याची शक्ती देवो.ते लवकरच सामान्य होतील आणि आपले जीवन जगू लागतील. मात्र, शहनाजची काळजी घेण्यासाठी त्याचे संपूर्ण कुटुंब उपस्थित आहे. मीडिया रिपोर्टनुसार, सिद्धार्थ आणि शहनाज लवकरच लग्न करणार होते. शहनाज आणि सिद्धार्थ शुक्ला बिग बॉस 13 च्या घरात भेटले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
