शहनाज गिल म्हणते ना योगा ना वर्कआऊट; तर डोसा खाऊन झाले फिट

Shehnaz Gill : फिल्मस्टार असो किंवा सामान्य माणूस, वजन कमी करणे हे प्रत्येकासाठीच अवघड काम असते. शरीरातील अतिरिक्त चरबी कमी करण्यासाठी जिममध्ये तासनतास घाम गाळण्यासोबतच आहारातही बदल करावा लागतो. तथापि, तुम्हाला हे जाणून आश्चर्य वाटेल की बिग बॉस 13 फेम शहनाज गिलचा फिटनेस (Fitness) मंत्र यापेक्षा पूर्णपणे वेगळा होता.

सर्वांना माहीत आहे की, बिग बॉस 13 मधून बाहेर पडल्यापासून शहनाज गिल तिच्या फिटनेस ट्रान्सफॉर्मेशन लूकमुळे प्रसिद्धीच्या झोतात राहिली आहे. दररोज तिच्या ग्लॅम लुकने भरलेले फोटोशूट सोशल मीडियावर पाहायला मिळत आहे. दरम्यान, आता समोर आलेल्या एका व्हिडिओमध्ये शहनाज गिल सांगत आहे की, तिने स्वत:ला इतके फिट कसे केले.

शहनाजच्या म्हणण्यानुसार, तिने भारतीय नाश्ता घेऊन तिच्या फिटनेसवर लक्ष केंद्रित करण्यास सुरुवात केली. ती नाश्त्याला डोसे, मेथीचे पराठे खायची आणि तिच्या आहारावर लक्ष ठेवायची. इतकंच नाही, तर काहीही पाहिल्यानंतर आपली दिनचर्या खंडित होऊ नये यासाठी तिने प्रथम आपल्या इच्छाशक्तीवर लक्ष केंद्रित केले. अशाप्रकारे शहनाज गिलने फिटनेसबाबतचे अवघड काम मोठ्या जोमाने पार पाडले आणि स्वत:ला पूर्णपणे बदलून टाकले. शहनाज गिलने ही माहिती शिल्पा शेट्टीच्या (Shilpa Shetty) 'मिर्ची शेप ऑफ यू' या शोमध्ये दिली, जिथे ती पाहुणी म्हणून गेली होती.

शहनाजच्या सौंदर्याबद्दल सांगायचे तर तर ती यासाठी कोणतेही विशेष उत्पादन वापरत नाही, तर तिच्या त्वचेची विशेष काळजी घेते. तसेच, कारण ती दिवसभर भरपूर पाणी पिते, ज्यामुळे तिची त्वचा हायड्रेट राहते.