Shah Rukh - Gauri Khan: "मी गौरीला 'व्हॅलेंटाईन्स डे'ला हे गिफ्ट दिलं होतं"! शाहरुखने सांगितलं गुपित

Shah Rukh - Gauri Khan First Valentine's Day Gift: प्रेम, रोमान्स म्हटलं की शाहरुख खान आणि त्याचे रोमॅंटिक चित्रपट आठवतात. पण बऱ्याच फॅन्सना शाहरुखने त्याच्या पत्नीला म्हणजेच गौरी खानला काय गिफ्ट दिलं हे जाणुन घ्यायचं होतं आणि अखेर किंग खानने त्याचं उत्तर दिलं आहे.

शाहरुख खान सध्या त्याच्या 'पठाण' चित्रपटामुळे चर्चेत आहे. या अभिनेत्याच्या चित्रपटाला पहिल्या दिवसापासून बॉक्स ऑफिसवर जबरदस्त प्रतिसाद मिळत आहे आणि आतापर्यंत अनेक विक्रम मोडले आहेत. 

हा चित्रपट बॉक्स ऑफिसवर सातत्याने रेकॉर्डब्रेक कमाई करत आहे. त्याचवेळी, आज व्हॅलेंटाईन डेच्या निमित्ताने शाहरुख खान पुन्हा एकदा त्याच्या आस्क एसआरके सेशनसह परतला आणि चाहत्यांच्या मजेदार प्रश्नांची उत्तरे दिली.

व्हॅलेंटाईन डे डोळ्यासमोर ठेवून काही चाहत्यांनी किंग खानला प्रश्न केला, चला तर मग जाणून घेऊया त्याच्याबद्दल...

आज व्हॅलेंटाईन डे आहे आणि या प्रसंगी, SRK विचारा सेशन मध्ये , किंग खानने चाहत्यांच्या सर्व प्रश्नांची उत्तरे दिली. एका यूजरने शाहरुख खानला विचारले की, 'तू गौरी मॅमला दिलेली पहिली व्हॅलेंटाईन गिफ्ट काय होती?' यावर शाहरुख खानने उत्तर दिले, "आता ३४ वर्षे झाली आहेत, जर मला बरोबर आठवत असेल तर... कदाचित गुलाबी रंगाच्या प्लास्टिकच्या कानातल्या रिंग्ज दिल्या होत्या."

याशिवाय एका चाहत्याने किंग खानला व्हॅलेंटाइन गिफ्टबद्दल प्रश्न विचारला. फॅनने लिहिले की, 'व्हॅलेंटाइन डेनिमित्त तुम्हाला तुमच्या चाहत्यांकडून काय गिफ्ट हवे आहे.' यावर शाहरुख म्हणाला, "तुम्ही सर्वांनी मला आधीच खूप काही दिले आहे... पठाणसाठी खूप प्रेम." 

दुसर्‍या एका युजरने विचारले, 'व्हॅलेंटाईन डेला डीडीएलजे पहावा की पठाण? कृपया लवकर उत्तर द्या. मला शोला जायचे आहे. यावर किंग खान म्हणाला, 'व्हॅलेंटाइन डे हा पठाण डे असावा.' शाहरुखचा पठान हिट करून त्याच्या फॅन्सनी पुन्हा एकदा त्याच्यावरचे प्रेम सिद्ध केलं आहे.