Sameer Wankhede Aryan Khan Controversy: आर्यन खानच्या त्या पार्टीत एका न्यायदंडाधिकाऱ्यालाही अटक केली होती?

Sameer Wankhede Aryan Khan Controversy: बहुचर्चित आर्यन खान ड्रग्ज प्रकरणात आता एक गंभीर आरोप आरटीआय कार्यकर्ते केतन तिरोडकर यांनी केला आहे.

त्यांनी सांगितल्याप्रमाणे या अटकेच्या कारवाईवेळी एका न्यायदंडाधिकाऱ्यालाही अटक केली होती. परंतु नंतर त्याला सोडून देण्यात आले होते.

आर्यन खानची अटक

या प्रकरणाची सुरवात झाली ती बॉलीवूडचा किंग खान शाहरुखच्या मुलगा आर्यन खानमुळे. एनसीबीनं आर्यनला ड्रग्ज बाळगल्याप्रकरणी अटक केली होती. त्यानंतर बॉलीवूडमध्ये खळबळ उडाली होती. आर्यन खान हा चर्चेत आला होता.

काही दिवस तो तुरुंगातही होता. आता त्याला मुंबई उच्च न्यायालयानं दिलासा दिला आहे. आता सीबीआयने कारवाई केल्यानंतर परत एकदा क्रुझ ड्रग्स प्रकरणाची सर्वत्र चर्चा सुरू झाली आहे. आर्यन खान ड्रेस प्रकरणी समीर वानखेडे यांच्यावर सध्या चौकशी चालू आहे. आता या प्रकरणात अनेक नवीन खुलासे होत आहेत.

केतन तिरोडकरांचा आरोप

त्यातच आता नवीन मोठी माहिती समोर आली आहे. आरटीआय कार्यकर्ते केतन तिरोडकर यांनी आता एक गंभीर आरोप केला आहे. त्यामुळे या प्रकरणाला आणखी नवीन वळण लागण्याची शक्यता आहे.

RTI कार्यकर्त्यांने केला आरोप

केतन तिरोडकर यांनी त्या क्रुझ ड्रग्स प्रकरणावेळी कारवाई करण्यात येत असतांनी त्यावेळी एका न्यायदंडाधिकाऱ्यालाही अटक केली होती. परंतु नंतर त्याला सोडून देण्यात आले होतं. असा गंभीर आरोप केतन यांनी केली आहे.