Salman Khan ने घेतली मुंबई पोलीस आयुक्तांची भेट, जाणून घ्या कारण?

Salman Khan Meet Police Commissioner: बॉलिवूडचा दबंग म्हणून ओळखल्या जाणाऱ्या सलमान खानला काही दिवसांपूर्वी जीवे मारण्याच्या धमक्या आल्या होत्या. सलमान खान आणि त्याचे वडील सलीम खान यांचा सिध्दू मुसेवाला होईल, असे या धमकीत म्हटले होते. सिद्धू मुसेवालाच्या हत्येनंतर काही दिवसांनीच सलमान खान आणि सलीम खान यांना ही धमकी मिळाली होती. तेव्हापासून भाईजानची सुरक्षा मोठ्या प्रमाणात वाढवण्यात आली आहे.

त्याचवेळी या धमकीनंतर सलमान खानने स्वत:च्या सुरक्षेसाठी शस्त्राच्या परवान्यासाठी अर्ज केला होता. यासंदर्भात आज समलान खानने (Salman khan) पोलीस (Police) आयुक्त विवेक फणसाळकर यांचीही भेट घेतली.

मिळालेल्या माहितीनुसार, कमिशनर फणसाळकर यांनी त्याच्याकडून जाणून घेण्याचा प्रयत्न केला की, त्याला कोणत्या प्रकारच्या धमक्या आल्या आहेत. त्यानंतर सलमान खानला त्याच्या सुरक्षेबद्दल सांगितले.