Salman Khan: सतीश कौशिक यांच्या अचानक झालेल्या निधनाने बॉलीवूड इंडस्ट्रीवर शोककळा पसरली आहे. हृदयविकाराने त्यांचे निधन झाले आहे. त्यांच्या अंतिमसंस्कारावेळी बॉलीवूडचे अनेक अभिनेते उपस्थित होते.
सलमान खानदेखील सतीश कौशिक यांच्या निधनानंतर अंतिमदर्शनासाठी आला होता. यावेळचा सलमान खानचा व्हीडीओ व्हायरल होत आहे.
सतीश कौशिक यांच्या निधनाने सलमानच्या डोळ्यात अश्रू तरळले असल्याचे दिसत आहे. एकीकडे सतीश कौशिक यांचे मित्र अनुपम खेर रडत होते तर दुसरीकडे सलमान खान आपले अश्रू लपवत असल्याचे दिसून आला.
सतीश कौशिक यांच्या अंतिम दर्शनासाठी शिल्पा शेट्टी , अनुपम खेर, शहनाज गिल, अभिषेक बच्चन देखील आले होते. सतीश कौशिक यांचे मनोरंजन क्षेत्रात बॉलीवूडमध्ये महत्वाचे योगदान आहे.
दरम्यान, सलमान खान( Salman Khan )च्या अनेक गाजलेल्या चित्रपटांपैकी एक म्हणजे तेरे नाम हा चित्रपट होय. तेरे नाम या चित्रपटाच्या भूमिकेसाठी सलमान खानची निवड सतिश कौशिक यांनी केली होती. सतीश कौशिक यांचे निधन आणि सलमानचे अश्रू याने चाहत्यांनादेखील हेलावून सोडले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
