Salman Khan - Laurance : सलमानला मारण्याची जबाबदारी एका शूटरकडे... बिश्नोई गँगचं नेमकं काय चाललंय?

Salman Khan - Laurance Bishnoi : अभिनेता सलमान खानच्या जीवाला पुन्हा एकदा धोका निर्मान झाला असुन आता त्याला मारण्याची जबाबदारी बिश्नोई गँगच्या एका शूटरला मिळाल्याची माहिती मिळाली आहे.

लॉरेन्स बिश्नोईने या कामाची जबाबदारी गँगस्टर अनमोल बिश्नोईला दिल्याचे दिल्ली पोलिसांच्या तपासात समोर आले आहे. 

परदेशात बसलेला अनमोल बिश्नोई हा लॉरेन्स बिश्नोईचा धाकटा भाऊ असून त्याने या कामाची जबाबदारी अक्षय बिश्नोई याच्याकडे दिली आहे.

सलमानची चर्चा

बिग बॉस ओटीटी संपला असला तरी सलमान खान एका वेगळ्या कारणाने पुन्हा चर्चेत आहे. लॉरेन्स बिश्नोई टोळीने सलमान खानला अनेकदा जीवे मारण्याची धमकी दिली आहे हे सर्वांनाच माहीत आहे. बिश्नोई टोळीने राष्ट्रीय टीव्ही चॅनलवरही याची कबुली दिली आहे. 

पण आता दिल्ली पोलिसांच्या तपासात लॉरेन्स बिश्नोईने या कामाची जबाबदारी गँगस्टर अनमोल बिश्नोईला दिल्याचे समोर आले आहे. परदेशात बसलेला अनमोल बिश्नोई हा लॉरेन्स बिश्नोईचा धाकटा भाऊ असून त्याने या कामाची जबाबदारी अक्षय बिश्नोई याच्याकडे दिली आहे.

पिस्तूल परदेशातून मिळवले

 लॉरेन्स बिश्नोई टोळीला हे पिस्तूल परदेशातून पोहोचवले जात असल्याची माहिती आहे. पंजाबचा कुख्यात गुंड आणि अमेरिकेत असलेला आंतरराष्ट्रीय शस्त्रास्त्र तस्कर रणजीत डुप्ला याच्याकडून ही शस्त्रे खरेदी केली जात आहेत. अनमोल बिश्नोईच्या माध्यमातून अक्षय बिश्नोई हा नवा चेहरा लॉरेन्स बिश्नोईच्या गँगमध्ये सामील झाला आहे.

सलमानच्या कुटूंबालाही धोका

'किसी का भाई किसी की जान'च्या रिलीजवेळीही लॉरेन्स बिश्नोईने सलमान खानला ईमेल केला होता. त्यानंतर सलमान खानची सुरक्षा वाढवण्यात आली होती. केवळ सलमानच नाही तर त्याच्या कुटुंबालाही इजा करण्याची धमकी देण्यात आली होती. या प्रकरणी लॉरेन्स बिश्नोई, गोल्डी ब्रार आणि रोहित गर्ग या गुंडांवर गुन्हा दाखल करण्यात आला होता.