Sunil Lahri On Adipurush: बॉलिवूड चित्रपट 'आदिपुरुष' सध्या जगभरात कमाई करत आहे. या चित्रपटाने अवघ्या 3 दिवसांत 300 कोटींहून अधिक कमाई केली आहे. मात्र या चित्रपटाची जितकी कमाई होत आहे, तितकाच या चित्रपटाबाबत गोंधळ पाहायला मिळत आहे.
चित्रपटातील संवाद आणि काही दृश्ये वादाच्या भोवऱ्यात सापडली आहेत. आता रामानंद सागर यांच्या रामायणमध्ये लक्ष्मणाची भूमिका साकारणारे अभिनेते सुनील लाहिरी यांनी या चित्रपटावर आक्षेप घेतला आहे. चित्रपटात रावण बनलेल्या सैफ अली खानची तुलना त्यांनी क्रिकेटर विराट कोहलीशी केली आहे.
दरम्यान, नुकत्याच दिलेल्या एका मुलाखतीदरम्यान सुनील लाहिरी यांनी आदिपुरुष या चित्रपटाविषयी सांगितले. चित्रपटातील पात्रांबद्दल मोकळेपणाने बोलताना ते म्हणाले - राम आणि लक्ष्मण यांच्या पात्रांमध्ये फारसा फरक नाही. दोघेही सारखेच दिसत आहेत. त्यांचे वागणे देखील सारखेच आहे. रावण लोहारासारखा दिसतोय जो लोखंडावर घाव घालताना दिसतो. याची काय गरज होती.
पुढे, या चित्रपटातील पात्रांच्या वेशभूषा आणि लूकबद्दल बोलताना लाहिरी म्हणाले की - जेव्हा तुम्ही मेघनाथला पाहाल तेव्हा तुम्हाला कळेल की, त्याने गोंदवले आहे. याशिवाय अनेक पात्रांची केशरचनाही विचित्र दिसत आहे. रावणाचे हेअरकट भारतीय क्रिकेटपटू विराट कोहलीच्या (Virat Kohli) हेअरकट सारखा दिसत आहे. ही लाजिरवाणी गोष्ट आहे.
चित्रपटाबद्दल (Movie) बोलायचे झाल्यास, आदिपुरुषने रिलीजच्या अवघ्या 4 दिवसांत कमाईच्या बाबतीत अनेक विक्रम केले आहेत. जगभरात 400 कोटींचा आकडा पार करण्याच्या दिशेने चित्रपटाची वाटचाल वेगाने सुरु आहे.
या चित्रपटात प्रभासने भगवान रामाची भूमिका साकारली असून सैफ अली खान रावणाच्या भूमिकेत दिसत आहे. याशिवाय सनी सिंगने लक्ष्मणची भूमिका साकारली असून बॉलिवूड अभिनेत्री क्रिती सेनन सीतेच्या भूमिकेत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.