Rakhi Sawant Acting School : राखी सावंत आता दुबईत शिकवणार अभिनय?

Rakhi sawant opens acting school in dubai : राखी सावंतला कोण ओळखत नाही? आपल्या कामापेक्षा राखी तिच्या वादग्रस्त आयुष्याबद्दल चर्चेत असते. आता राखी एका वेगळ्या कारणाने चर्चेत आह. पती आदिल खान दुर्रानीसोबत वैवाहिक वादातून जात असलेली ही अभिनेत्री दुबईत तिची ट्रेनिंग अॅकेडमी सुरू करण्याच्या तयारीत आहे. 

बॉलीवूड इंडस्ट्रीत येण्यास इच्छुक असलेल्या लोकांना ही अॅकेडमी प्रशिक्षण देईल. राखीने केवळ एका म्युझिक अल्बमसाठी शूट केले नाही तर आता ती दुबईमध्ये एक अभिनय अॅकेडमी उघडणार आहे. राखी सावंत तिच्या प्रशिक्षण अकादमीच्या उद्घाटनासाठी दुबईला रवाना झाली आहे, ज्यामध्ये इच्छुक कलाकारांना प्रशिक्षण दिले जाईल.

त्याबद्दल बोलताना राखी म्हणाली, "मी अल करामा येथे एक अकादमी उघडली आहे जी आखाती आणि इतर देशांतील महत्त्वाकांक्षी अभिनेत्यांना बॉलीवूडमध्ये काम देण्यासाठी प्रशिक्षण देईल".

सध्या राखी तिच्या लेटेस्ट म्युझिक व्हिडिओमुळे चर्चेत आहे. तिच्या प्रशिक्षण अकादमीच्या शुभारंभासाठी ती दुबईला रवाना झाली असताना ती आज विमानतळावर दिसली. तिचे अनेक चाहते तिला प्रत्येक ठिकाणी तिला साथ देत आहेत, तर काही जण तिला ट्रोलही करत आहेत.

म्हैसूरमध्ये आदिल खानच्या आई-वडिलांच्या सोबत असताना गेल्या आठवड्यात राखी सावंतला ट्रोल करण्यात आलं होतं. आदिल खानसोबत कायदेशीर लढाई असतानाही ती इस्लामिक विधी करताना दिसली.

सध्या राखी तिच्या आदिलसोबत चाललेल्या कायदेशीर वादातून थोडी मोकळी झाली आहे . हे प्रकरण अजुनही सुरू असलं तरीही राखी तिच्या नव्या कामाची सुरूवातही करत आहे.