अभिनेता शाहरुख खानचा पठाण गेल्या कित्येक दिवसांपासून वादाच्या भोवऱ्यात सापडला आहे. चित्रपटातल्या बेशरम रंग या गाण्यावर खुप मोठा वाद निर्माण झाला. वाद इतका वाढला कि बिहारमध्ये शाहरुखसह 5 जणांवर गुन्हा दाखल करण्यात आला होता. शेवटी सेन्सॉरने काही अटी घालुन चित्रपटाला परवानगी दिली आहे. चित्रपट 25 जानेवारीला रिलीज होतोय आणि आता चित्रपटाला पुन्हा विरोध सुरू झाला आहे.
पुणे येथे राहुल थिएटर वर लावलेलं पठाण चित्रपटाचं पोस्टर काढुन टाकण्यात आलं आहे. मिळालेल्या माहितीनुसार 'बजरंग दल' या हिंदुत्ववादी संघटनेने हे पोस्टर काढुन टाकले आहे. यावेळी पठाण चित्रपटाचा निषेध करत घोषणाही या संघटनेकडुन देण्यात आल्या.
पठाण चित्रपटाचा वाद गेले कित्येक काळापासुन सुरू आहे. सेन्सॉरने काही बदल सुचवुन या चित्रपटाला परवानगी दिली होती. पण तरीही चित्रपटाला असणारा विरोध कमी झाला नाही. या चित्रपटाच्या विरोधात देशभरात आंदोलन सुरू झालं. आता तर चित्रपटाला असणारा विरोध अजुनच तीव्र झाला आहे. पुण्यातील या घटनेवरून हा विरोध किती टोकाचा असेल हे लक्षात येतं
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.