आई झाल्यानंतर पहिल्यांदाच प्रियांका चोप्रा मॅगझिनच्या कव्हरपेजवर

बॉलिवूड स्टार अभिनेत्री प्रियांका चोप्रा आणि निक जोनस यांच्या लग्नाला दोन वर्षांहून अधिक काळ लोटला आहे. निक जोनस (Nick Jonas) आणि प्रियांका चोप्रा (Priyanka Chopra) एका मुलाचे आई-वडील झाल्याचे फायनल झाले. दोघेही सरोगसीद्वारे एका छोट्या बाळाचे पालक बनले आहेत. निक जोनस आणि प्रियांका चोप्राने त्यांच्या इंस्टाग्राम हँडलद्वारे चाहत्यांना ही माहिती दिली होती. त्यानंतर प्रियांकाने एक स्टेटमेंट आपल्या इंस्टाग्राम पेजवरून शेअर केले आहे. 'ज्या काही महत्त्वाच्या गोष्टी आहेत, त्यांनाच प्राधान्य द्यायचे आहे.' असे ती म्हणाली.

हिंदुस्तान टाईम्सच्या वृत्तानुसार, प्रियंका चोप्राने नुकत्याच दिलेल्या एका मुलाखतीत तिची आई मधु चोप्रा आणि पती निक जोनास यांच्याबद्दल सांगितले. दोघांनाही तीचा अभिमान असल्याचे ती बोलत होती. मुलाच्या जन्मानंतर प्रियंका पहिल्यांदाच एका मासिकाच्या मुखपृष्ठावर दिसली आहे. प्रियांका चोप्रा आणि निक जोनास गेल्या महिन्यात पालक झाले. या जोडप्याने त्यांच्या इंस्टाग्रामवर ही माहिती शेअर केली होती.

हार्पर बाजार अरेबियाला दिलेल्या एका मुलाखतीत प्रियंका चोप्रा म्हणाली, “जगभरात कोरोना साथीच्या आजाराने जे कहर केला आहे ते पाहता, मला वाटते की आपल्याला अधिक शांततेची गरज आहे. आणि मला माहित आहे की मी माझ्या आयुष्यात बऱ्याच काळापासून ती शांतता शोधत आहे. मी प्रेम देणारे लोक शोधत आहे. मी शांतताप्रिय लोक शोधत आहे. मला फक्त स्वतःला आनंदी बघायचे आहे. मला एका मनुष्य रूपाने बदलले आहे. म्हणून मला खात्री आहे की त्याने आपल्यापैकी बहुतेकांना बदलले आहे. आता मला महत्त्वाच्या गोष्टीला प्राधान्य द्यायचे आहे."

तिची आई मधु चोप्रा आणि पती निक यांच्याबद्दल बोलताना प्रियंका म्हणाली, “मी जेव्हा माझ्या आईला पाहते तेव्हा मला खूप आनंद होतो. मी जेंव्हा काही करते तेंव्हा माझ्या आईचा चेहरा अभिमानास्पद असतो. इतकंच नाही तर माझ्या पतीच्या चेहऱ्यावरही आनंद दिसतो, त्यामुळे मी माझ्या आयुष्यात खूप प्रेम कमावलं आहे असं म्हणायला हवं."

प्रियांका शेवटची द मॅट्रिक्स रिसर्क्शनमध्ये दिसली होती. अभिनेत्री जिम स्ट्रॉस दिग्दर्शित रोम-कॉम 'टेक्स्ट फॉर यू' मध्ये दिसणार आहे, अमेझॉन थ्रिलर सिरीज सिटाडेल, जी रुसो ब्रदर्स निर्मित आहे. याशिवाय, प्रियांका चोप्रा अॅमेझॉन स्टुडिओसह दिवंगत संत ओशो रजनीश यांचे माजी सहकारी असलेल्या आई आनंद शीला यांच्या जीवनावर आधारित चित्रपटाची निर्मिती करणार आहे. फरहान अख्तर दिग्दर्शित 'जी ले जरा'मध्ये ही अभिनेत्री कतरिना कैफ आणि आलिया भट्टसोबत दिसणार आहे.