अभिनेत्री करीना कपूर नेहमीच चर्चेत असते. प्रसारमाध्यमांमध्ये, ती अनेकदा असे काही बोलते ज्यामुळे ती प्रसिद्धीच्या झोतात येते. आता पुन्हा एकदा तिने अशा काही गोष्टींचा खुलासा केला आहे ज्यामुळे ती चर्चेत आली आहे. लग्नाआधी करिनाने सैफ अली (Saif Ali Khan) खानसोबतच्या डेटींगबद्दल अनेक गोष्टी सांगितल्या, ज्यामध्ये अभिनेता अक्षय कुमारचेही (Akshay Kumar) नाव पुढे येत आहे. करीना कपूर (Kareena Kapoor) अभिनेत्री ट्विंकल खन्नाच्या 'ट्वीक इंडिया' शोचा भाग बनली होती. जिथे करीनाने तिच्या करिअर, अफेअर्स, ब्रेकअप, लग्न आणि मुलांपर्यंतच्या तिच्या आयुष्यातील सर्व मुद्द्यांवर चर्चा केली. (Kareena Kapoor Latest News)
संभाषणादरम्यान करिनाने सैफसोबतचे तिचे डेटिंगचे दिवस आठवले आणि सांगितले की, 'टशन चित्रपटादरम्यान मी, सैफ आणि अक्षय कुमार एकत्र काम करत होतो. तेव्हा अक्षयला थोडी कल्पना आली की माझ्यात आणि सैफमध्ये काहीतरी आहे. म्हणून त्याने सैफला कोपऱ्यात नेले आणि काळजी घेण्यास सांगितले, ती धोकादायक कुटुंबातील एक धोकादायक मुलगी आहे. मी त्यांना ओळखतो, तू सावधान राहा.'
करिनाच्या या गोष्टीवर ट्विंकल म्हणाली की, मला वाटते की हा चांगला सल्ला होता. करीनाने याला सहमती दर्शवली आणि अक्षयने सांगितले होते की, तिच्यासोबत चुकीचे करू नका. यावर सैफ म्हणाला की, 'मी करीनाला ओळखतो आणि तिला सांभाळेन.' शो दरम्यान, ट्विंकल खन्नाने खिल्ली उडवली आणि करीनाला विचारले की यावेळी ती ब्लॉन्ड विग घातलेल्या सैफच्या प्रेमात कशी पडली?
आम्ही तुम्हाला सांगतो, 'ट्वीक इंडिया' हा YouTube वर येणारा एक चॅट शो आहे. ज्यामध्ये ट्विंकल खन्ना सेलिब्रिटींच्या मुलाखती घेते.करीना कपूर आणि सैफ अली खान 2008 मध्ये टशन चित्रपटाच्या शूटिंगदरम्यान एकमेकांच्या जवळ आले होते. काही वर्षे डेट केल्यानंतर दोघांनी 2012 मध्ये लग्न केले. आता दोघांना तैमूर आणि जहांगीर ही दोन मुलं आहेत. वर्कफ्रंटबद्दल बोलायचे झाले तर करीना कपूर लवकरच आमिर खानसोबत 'लाल सिंह चड्ढा' या चित्रपटात दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
