प्रियांका-निकच्या मुलीचे नामकरण, नावात भारतीय- पाश्चीमात्य झलक

प्रियांका चोप्रा (Priyanka Chopra) आणि निक जोनास (Nick Jonas) यांनी या वर्षाच्या सुरुवातीला जाहीर केले की त्यांनी सरोगसीद्वारे त्यांच्या पहिल्या मुलाचे स्वागत केले आहे. मात्र त्यावेळी या दोघांनीही त्यांच्या घोषणेमध्ये त्यांना मुलगा आहे की मुलगी याची कोणतीही माहिती दिली नव्हती. परंतु नंतर हे उघड झाले की दोघेही एका मुलीचे पालक बनले आहेत. या चिमुकलीचे स्वागत केल्यानंतर तीन महिन्यांनी, TMZ ने आता त्यांच्या मुलीचे नाव ठेवले आहे. (Bollywood News)

काय आहे प्रियांकाच्या मुलीचे नाव

टीएमझेडच्या म्हणण्यानुसार, प्रियांका आणि निकच्या मुलीच्या जन्माचे प्रमाणपत्र मिळवले आणि त्या प्रमाणपत्रात नाव नमूद केले आहे. 'मालती मेरी चोप्रा जोनास' असे नाव या जन्माच्या दाखल्यावर दिसून आले. मालतीचा जन्म कॅलिफोर्नियातील सॅन डिएगो येथे 15 जानेवारी रोजी रात्री 8 वाजल्यानंतर झाला होता, असे असले तरी अद्याप प्रियांकाने आपल्या मुलीच्या नावाची माहिती दिली नाही. या मुलीच्या नावाचा एक विशेष अर्थ असू शकतो. कारण प्रियांकाच्या मुलीच्या नावात भारतीय आणि पाश्चिमात्य झलक दिसून आली आहे.

21 जानेवारीला दिली आनंदाची बातमी

प्रियांका आणि निक यांनी 21 जानेवारी रोजी आपल्या मुलीचे स्वागत केल्याची आनंदाची बातमी दिली होती. नवजात पालकांनी ही बातमी सोशल मीडियावर त्यांच्या चाहत्यांशी शेअर केली होती. 'आम्ही सरोगसीद्वारे आमच्या बाळाला जन्म दिली आहे. आमच्या बाळाचे आम्ही आनंदात स्वागत करताना आम्हाला खूप आनंद होत आहे.' असे कॅप्शन या पोस्टला आणि फोटोला देण्यात आली होती.

प्रियांका आणि निक यांनी 21 जानेवारीला मुलीच्या जन्माची घोषणा केली होती, परंतु रिपोर्ट्सनुसार, या तारखेच्या 12 आठवड्यांपूर्वी मुलीचा जन्म झाला होता. मीडिया रिपोर्ट्सनुसार, प्रियंका चोप्रा आणि निक जोनास यांच्या मुलीचा जन्म 27 व्या आठवड्यात झाला. एप्रिलमध्ये बाळाचा जन्म होणार होता मात्र प्री-मॅच्युअर डिलीव्हरीमुळे बाळाला काही काळ रुग्णालयात ठेवण्यात आले होते.