Viral Dance Video: पाकिस्तानी तरुणी आयशाने ‘मेरा दिल ये पुकारे आजा’ या गाण्यावर डान्स करुन नवा ट्रेंड सुरु केला आहे. आता प्रत्येकजण या गाण्यावर आपला व्हिडिओ बनवून सोशल मीडियावर पोस्ट करत आहेत. आयशाने एका लग्न समारंभात ‘मेरा दिल ये पुकारे आजा’ या गाण्यावर डान्स करतानाचा व्हिडिओ पोस्ट केला होता. आयशाचा व्हिडिओ पोस्ट होताच प्रचंड व्हायरल झाला होता. त्यानंतर या गाण्यावर व्हिडिओ रील बनवण्याची जणू स्पर्धाच सुरु झाली आहे. यातच आता 'सूर्यवंशम' चित्रपटातील भानू प्रतापही या स्पर्धेत सामील झाले आहेत.
वास्तविक, एका सोशल मीडिया यूजरने भानू प्रताप यांची 'सूर्यवंशम' चित्रपटातील या गाण्यावरील नृत्याची क्लिप एडिट केली आहे. सोशल मीडियावर ‘मेरा दिल ये पुकारे आजा’ गाण्याची ही एडिटेड क्लिप लोक खूप शेअर करत आहेत.
दरम्यान, व्हायरल रीलमध्ये अमिताभ बच्चन (Amitabh Bachchan) म्हणजेच भानू प्रताप हे लता मंगेशकर यांच्या 'मेरा दिल ये पुकारे आजा'च्या रिमिक्स बीट्सवर थिरकताना दिसत आहेत. क्लिप अशाप्रकारे एडिट केली आहे की, भानू प्रताप आपल्या व्हिडिओमध्ये आयेशाच्या डान्स मूव्हची कॉफी करताना दिसत आहेत. ही क्लिप 'manojchauhan70_' ने इन्स्टाग्रामवर पोस्ट केली आहे.
तसेच, 9 डिसेंबर रोजी इन्स्टाग्रामवर शेअर केल्यापासून, व्हिडिओ 11 दशलक्ष लोकांनी पाहिला आहे, तर 900,000 लाईक्स केले आहे. "मेरा दिल ये पुकारे आजा" वर केलेला डान्स आयशाच्या आयुष्यातील टर्निंग पॉइंट ठरला आहे. हा व्हिडिओ सोशल मीडियावर (Social Media) आल्यानंतर आयशा इंटरनेट सेन्सेशन बनली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
