अंडरवर्ल्ड डॉनच्या प्रेमात वेड्या झालेल्या अभिनेत्री तुम्हाला माहितीयेत का?

Beauty And The Beast: बॉलीवूड सेलिब्रिटींचे वैयक्तिक आयुष्य आणि नातेसंबंधांमध्ये प्रत्येकाला रस असतो. अभिनेत्री त्यांच्या चित्रपट कारकिर्दीत अनेकदा अभिनेत्यांच्या प्रेमात वेड्या झालेल्या दिसतात, तर काही क्रिकेटपटू किंवा उद्योगपतींना त्यांचे साथीदार म्हणून निवडतात. परंतु आज आम्ही तुम्हाला अशा काही हिरोईन्सबद्दल सांगणार आहोत, ज्या अंडरवर्ल्ड डॉनच्या प्रेयसी बनल्या. अंडरवर्ल्ड डॉनसोबतच्या काही अभिनेत्रींच्या प्रेमकहाण्या प्रसिद्ध आहेत. त्यातील काहींनी लग्न केले तर काही प्रेमासाठी तुरुंगात गेल्या. अंडरवर्ल्ड डॉनच्या प्रेमात काही अभिनेत्रींचं करिअरही उद्ध्वस्त झालं. (Monica Bedi Abu Salem Daud Ibrahim Mandakini Hazi Mastan Actress And Under World love Story Actress Crazy)

दरम्यान, या यादीत पहिले नाव येते ते म्हणजे, अभिनेत्री मोनिका बेदीचे. मोनिका बेदी आणि अबू सालेम यांची प्रेमकहाणी खूप प्रसिद्ध आहे. अबू सालेमच्या प्रेमात हरवलेल्या मोनिका बेदीला तुरुंगाची हवा खावी लागली.

तसेच, अनिता अयुबचे नाव दाऊद इब्राहिमसोबत जोडले गेले असून दोघांमध्ये खूप घनिष्ट संबंध होते. त्याचवेळी, रिपोर्ट्समध्ये या दोघांच्या नात्याबद्दल असंही सांगण्यात येत आहे की, एकदा जावेद सिद्दीकीने अनिताला आपल्या चित्रपटात (Movies) कास्ट करण्यास नकार दिला होता. त्यानंतर दाऊदने जावेद सिद्दिकीची हत्या केली होती.

दुसरीकडे, राम तेरी गंगा मैली या चित्रपटात आपल्या बोल्डनेसच्या जादूने चाहत्यांना घायाळ करणाऱ्या मंदाकिनीच्या प्रेमात दाऊद इब्राहिमही (Dawood Ibrahim) होता. दोघेही एका क्रिकेट सामन्यादरम्यान एकत्र दिसले होते. मात्र मंदाकिनीने दाऊदसोबत संबंध असल्याचे नाकारले होते.

शिवाय, ममता कुलकर्णी हे अल्पावधीतच बॉलीवूडमधील (Bollywood) प्रसिद्ध नाव बनले होते. परंतु एका चुकीच्या नात्याने तिचे करिअर कायमचे उद्ध्वस्त झाले. हे नातं अंडरवर्ल्ड विकी गोस्वामीसोबत होते. ममतानेही विकीशी लग्नही केलं होतं. त्याचवेळी, एकदा ड्रग्ज प्रकरणात पोलिसांनी तिला अटक केली होती. दुसरीकडे, या यादीत अभिनेत्री सोनाचाही समावेश आहे. डॉन हाजी मस्तान पाहताच क्षणी तिच्या प्रेमात पडला होता, असं म्हटलं जातं. त्यानंतर सोना आणि डॉनने लग्न केलं. परंतु लग्नानंतर काही दिवसातंच हाजी मस्तानच्या मृत्यूनंतर ती एकाकी पडली.