Iffi Goa: गोव्यात 20 नोव्हेंबरपासून सुरू होणाऱ्या भारतीय आंतरराष्ट्रीय चित्रपट महोत्सवाची (53rd Edition Of Iffi, Goa) उत्सुकता शिगेला पोहचली आहे. सिनेरसिकांसाठी पर्वणी ठरणाऱ्या या महोत्सावात अनेक भारतीय आंतरराष्ट्रीय तसेच देशातील विविध भाषेतील चित्रपट पाहण्याची संधी सिनेरसिकांना मिळणार आहे. याशिवाय, अनेक भारतीय, आंतरराष्ट्रीय दिग्गज सिनेकलाकार देखील या महोत्सवाला उपस्थिती लावणार आहेत. अनेक बॉलिवूड, हॉलिवूड कलाकार इफ्फीत उपस्थित राहणार आहेत.
इफ्फीच्या कर्टन रेझरनिमित्त झालेल्या पत्रकार परिषदेत याबाबत माहिती देण्यात आली. इफ्फीदरम्यान 118 आंतरराष्ट्रीय आणि 221 भारतीय चित्रपट कलाकार उपस्थित राहणार आहेत.
इफ्फीसाठी खालील बॉलिवूड कलाकार राहणार उपस्थित (Many Bollywood Actor, Actress to Attend Iffi in Goa)
अजय देवगण, सुनील शेट्टी, वरुण धवन, क्रिती सानोन, प्रभूदेवा, मनोज वाजपेयी, नवाजुद्दीन सिद्दीकी, शेखर कपूर, राणा डगुबत्ती, मणिरत्नम, ए आर रेहमान, पंकज त्रिपाठी, परेश रावल, अक्षय खन्ना, कलकी कोचलेन, यामी गौतमी, दीनेश विजन, इलियाना डिक्रूज, आर. बाल्की, अनुपम खेर यांची उपस्थिती निश्चित झाली आहे.
उपस्थित राहणारे हॉलिवूड कलाकार (Many Hollywood Actor, Actress to Attend Iffi in Goa)
मॅडी हॅसन, जॉन लॉईड क्रुज, जेनिसिस रॉड्रिग्ज, डॅनियल गोल्डहॅबर, इमिली कॉक्स यासह 118 हॉलिवूड कलाकार उपस्थित राहणार आहेत.
गोव्यात 20 ते 28 या कालावधीत भारतीय आंतरराष्ट्रीय चित्रपट महोत्सव पार पडणार आहे. यात भारतीय पॅनोरमा विभागात 23 भाषा आणि बोलीभाषेतील एकूण 339 फिचर फिल्म दाखवण्यात येणार आहेत अशी माहिती NFDC चे व्यवस्थापकीय संचालक रवींद्र भाकर यांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
