Kangana Ranaut supports Nawaz: "तुम्ही बोललात बरं झालं शांतता प्रत्येकवेळी ठीक नसते"! नवाजुद्दीनसाठी कंगना मैदानात

Kangana Ranaut supports Nawaz: बॉलिवूड अभिनेता नवाजुद्दीन सिद्दीकीचे वैयक्तिक आयुष्य सध्या कठीण टप्प्यातून जात आहे. त्याची माजी पत्नी आलिया त्याच्यावर सतत गंभीर आरोप करत असते. 

ती जवळपास दररोज सोशल मीडियावर व्हिडिओ शेअर करत आहे आणि अभिनेत्याला दोष देत आहे. आत्तापर्यंत नवाजने यावर मौन पाळले होते, मात्र अलीकडेच त्याने पोस्ट शेअर करून अनेक खुलासे केले आहेत. 

त्याने सांगितले की, तो आलिया आणि मुलांना दर महिन्याला सुमारे 10 लाख रुपये पाठवत असे. तो म्हणतो की ती आलियाकडून जास्त पैसे उकळण्यासाठी हे सर्व करत आहे. तर. नवाज आता उघडपणे समोर आला असून अभिनेत्री कंगना राणौतने त्याला पाठिंबा दिला आहे. चला जाणून घेऊया काय म्हणाली 'बॉलिवुडची क्वीन'.

नवाजुद्दीन सिद्दीकीचे वक्तव्य शेअर करत कंगना रणौतने लिहिले की, 'नवाजुद्दीन सिद्दीकी सरांची खूप गरज होती... मौन नेहमीच शांती देत ​​नाही... तुम्ही हे वक्तव्य जारी केले याचा मला आनंद आहे.' यापूर्वीही कंगनाने नवाजला सपोर्ट देण्यासाठी ट्विट केलं होतं

कंगना रणौतने आता नवाजच्या उघडपणे बोलण्याचं कौतुक केलं आहे. स्वत:च्याच घरातून नवाजला काढण्यात आलं होतं असंही कंगना पूर्वी म्हणाली होती.

नवाजुद्दीन सिद्दीकीनेही आपल्या वक्तव्यात खुलासा केला आहे की, तो आलियाला दर महिन्याला 10 लाख रुपये देत असे आणि ती फक्त त्याला ब्लॅकमेल करण्यासाठी आणि पैसे उकळण्यासाठी हे सर्व करत आहे. 

नवाजने स्पष्ट केले आहे की, 'गेल्या 2 वर्षांपासून त्यांना सरासरी 10 लाख रुपये प्रति महिना आणि माझ्या मुलांसह दुबईला जाण्यापूर्वी 5-7 लाख रुपये दिले गेले आहेत, ज्यात शाळेची फी, वैद्यकीय, प्रवास आणि इतर गोष्टींचा समावेश आहे.