शाहरुख खानचा (Shah Rukh Khan) मुलगा आर्यन खानचा (Aryan Khan) एनसीबी (NCB) कोठडीचा कालावधी आज संपत आहे. आज कळेल की आर्यन जामिनावर बाहेर येईल की त्याला आणखी काही दिवस एनसीबीच्या ताब्यात राहावे लागेल. दुसरीकडे, आर्यनच्या प्रकरणामुळे शाहरुख खानने त्याच्या सर्व प्रोजेक्टचे शूटिंग रद्द केले आहे. आता असे वृत्त आहे की चित्रपटांनंतर शाहरुखने त्याच्या एका जाहिरातीचे शूटिंगही रद्द केले आहे. ही जाहिरात बॉलिवूड अभिनेता अजय देवगणसोबत शाहरुखला शूट करायची होती, पण किंग खानने शेवटच्या क्षणी शूटिंग रद्द केली.
मिळालेल्या माहितीनुसार, सकाळपासून शाहरुख खानच्या व्हॅनिटी व्हॅनजवळ सुमारे 20-25 बाउन्सर तैनात होते. पण 3-4 च्या सुमारास शाहरुखने शूटिंग रद्द केले आणि तो आला नाही. ही जाहिरात किंग खान आणि अजय देवगणसोबत शूट केली जाणार होती. अजय देवगण काल (6 ऑक्टोबर) शूटला पोहोचला असला तरी अभिनेता आज त्याचे शूट पूर्ण करेल.
खरं तर, 2 ऑक्टोबर रोजी आर्यनला NCB ने मुंबईहून गोव्याला जाणाऱ्या 'कॉर्डेलिया क्रूज़’ (Cordelia Cruises) मधून ताब्यात घेतले होते. शनिवारी, NCB ने रेव्ह पार्टी सुरू असलेल्या एका टिपच्या आधारे क्रूझवर छापा टाकला. शाहरुख खानचा मुलगा आर्यन खाननेही या रेव्ह पार्टीला हजेरी लावली. या छाप्यात एनसीबीने आर्यनसह 8 जणांना आपल्या ताब्यात घेतले होते. त्यानंतर अरबाज मर्चंट आणि मुनमुन धामेचासह तीन जणांना 3 ऑक्टोबर रोजी चौकशी केल्यानंतर दुसऱ्या दिवशी अटक करण्यात आली.
यानंतर न्यायालयाने आर्यन, अरबाज आणि मुनमुनला 4 ऑक्टोबरपर्यंत एनसीबीच्या कोठडीत पाठवले. 4 ऑक्टोबर रोजी या प्रकरणाची पुन्हा सुनावणी झाली. आर्यन खानचे वकील सतीश मानशिंदे यांनीही त्याचा जामीन मागितला, पण न्यायालयाने आर्यनला जामीन देण्यास नकार दिला आणि त्याला 7 ऑक्टोबरपर्यंत एनसीबी कोठडी सुनावली. आता आज आर्यन खानच्या अंमली पदार्थ प्रकरणाची पुन्हा सुनावणी होणार आहे. आर्यनची कोठडी पुढे जाईल की त्याला जामीन मिळेल हे आज कळेल. शाहरुखच्या वर्क फ्रंटबद्दल बोलताना किंग खान सध्या 'पठाण' चित्रपटाचे शूटिंग करत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
