मी बदकासारखी चालते: आलिया भट्ट

आलिया भट्टचा गंगूबाई काठियावाडी हा चित्रपटाने प्रेक्षकांना भुरळ घातली आहे. संजय लीला भन्साळी दिग्दर्शित चित्रपटात आलियाने ज्या पद्धतीने गंगूबाईची व्यक्तिरेखा पडद्यावर साकारली आहे, ती वाखाणण्याजोगी आहे, असे प्रेक्षकांचे मत आहे. या चित्रपटातील तिची चालण्याची शैलीही सर्वांना आवडली. (I walk like a duck says Alia Bhatt)

एका मुलाखतीत आलियाने गंगूबाई काठियावाडीतील तिच्या पात्राबद्दल सांगितले. ती म्हणाली, चित्रपटातील (Movie) माझ्या चालण्याची स्टाइल सर्वांना आवडली. मात्र वास्तविक जीवनात माझी चाल बदकासारखी आहे, असे मला वाटते.

गंगूबाईची विदेशात धूम
संजय लीला भन्साळी दिग्दर्शित गंगूबाई काठियावाडीने जगभरातील बॉक्स ऑफिसवर 108.3 कोटी रुपये कमावले. भन्साळी प्रॉडक्शन हाऊसने याबाबतची पोस्ट सोशल मीडियावर (Social Media) शेअर केली होती.

गंगूबाई काठियावाडी व्यतिरिक्त आलिया 'आरआरआर'मध्ये दिसली होती. एसएस राजामौली दिग्दर्शित 'आरआरआर'मध्ये (RRR) आलियाने रामचरणच्या विरुद्ध सहाय्यक भूमिका साकारली आहे. याशिवाय आलिया ब्रह्मास्त्र, डार्लिंग्स, रॉकी आणि राणीच्या लव्हस्टोरीमध्ये दिसणार आहे. प्रोफेशनल लाईफसोबतच आलिया तिच्या पर्सनल लाईफमुळे देखील चर्चेत असते. आलिया आणि रणबीर कपूर एप्रिलमध्ये लग्न करणार असल्याची चर्चा आहे.