Vikram - Anurag Kashyap : "मला ई-मेल मिळालाच नाही" चियान विक्रमचं अनुराग कश्यपला उत्तर..काय आहे प्रकरण?

दिग्दर्शक अनुराग कश्यप हा आपल्या वेगळ्या कथानकाशी आणि दिग्दर्शनाच्या वेगळ्या शैलीसाठी प्रसिद्ध आहे. गँग्ज ऑफ वासेपूर, सेक्रेड गेम्स, देव डी यांसारख्या वेगळ्या शैलीच्या चित्रपटांच्या माध्यमातून त्याने प्रेक्षकांशी एक कलात्मक आनंद दिला आहे.

नुकताच अनुराग कश्यपचा केनेडी हा चित्रपट कान्स फिल्म फेस्टिव्हलमध्ये दाखवण्यात आला. या चित्रपटात मुख्य भूमीकेसाठी राहुल भट्टच्याऐवजी साऊथ सुपरस्टार चियान विक्रमला कास्ट केले होते पण त्याने उत्तर दिले नाही या अनुरागच्या दाव्यावर आता विक्रमनेच उत्तर दिलं आहे.

केनेडीसाठी विक्रमला विचारले होते ;पण

अनुराग कश्यपने अलीकडेच खुलासा केला की त्याला 'केनेडी' चित्रपटात तमिळ स्टार चियान विक्रमला साइन करायचे आहे. यासाठी त्यांनी चिएन यांच्याशी संपर्क साधण्याचाही प्रयत्न केला मात्र अभिनेत्याने प्रतिसाद दिला नाही. अनुरागच्या या दाव्यावर चियानं आता मौन तोडलं आहे. यासोबतच तो ट्विट करून सत्य सांगताना दिसत आहे

चियान विक्रमने त्याच्या ट्विटर हँडलवरून ट्विट केले आहे, ज्याद्वारे अभिनेत्याने सांगितले आहे की त्याने एक वर्षापूर्वी कश्यपला फोन केला होता आणि त्याला चित्रपट निर्मात्याकडून कोणताही मेल किंवा संदेश कसा आला नाही हे सांगितले. याशिवाय चिएनने अनुराग कश्यपला भविष्यासाठी शुभेच्छा दिल्या. 

चियान विक्रमचे उत्तर

चियान विक्रमने अनुराग कश्यपला एक चिठ्ठी लिहिली आहे, ज्यात 'प्रिय अनुराग, सोशल मीडियावरील मित्र आणि हितचिंतकांसाठी, माझे आणि तुमचे एक वर्ष जुने संभाषण पुन्हा सांगत आहे. 

मी एका अभिनेत्याकडून ऐकले की तुम्ही एका चित्रपटासाठी माझ्याशी संपर्क साधण्याचा प्रयत्न करत आहात आणि तुम्हाला वाटले की मी प्रतिसाद देत नाही. मग मी लगेच तुला फोन केला.

माझा ई-मेल आयडी बदलेला आहे.

चियान विक्रम पुढे म्हणाले, 'मी तुम्हाला सांगितले की मला तुमच्याकडून कोणताही मेल किंवा संदेश प्राप्त झाला नाही, कारण तुम्ही ज्या ई-मेल आयडीवर माझ्याशी संपर्क साधला होता तो आता सक्रिय नाही आणि माझा फोन नंबरही दोन वर्षांपूर्वी बदलला होता. 

मी तुम्हाला फोन कॉलवर सांगितल्याप्रमाणे, मी तुमच्या केनेडी चित्रपटासाठी खूप उत्सुक आहे. मी त्यापेक्षा जास्त उत्साहित आहे कारण तो चित्रपट माझ्या नावाशी जोडला गेला आहे. भविष्यासाठी शुभेच्छा, खूप प्रेम, चियान विक्रम उर्फ ​​केनेडी.

कान्समध्ये केनेडीचं स्क्रिनींग

सनी लिओन आणि राहुल भट्ट स्टारर चित्रपट 'केनेडी' 'कान्स फिल्म फेस्टिव्हल 2023' च्या मिडनाइट स्क्रीनिंग सेक्शन अंतर्गत प्रदर्शित केला जाईल. अनुराग कश्यपने अलीकडेच खुलासा केला की त्याला राहुल भट्टऐवजी चियान विक्रमला कास्ट करायचे आहे. 

अनुरागने चियान डोळ्यासमोर ठेवून स्क्रिप्ट लिहिली. ;पण चिएनने त्याच्या कॉल-मेसेजला प्रतिसाद दिला नाही, ज्यामुळे त्याने या भूमिकेसाठी राहुल भट्टची निवड केली.