कतरिना कैफ आणि विकी कौशल (Katrina Kaif Vicky Kaushal) बी-टाऊनमधील एक प्रसिद्ध जोडप आहे. लग्नानंतर दोघेजण पहिल्यांदाच दिवाळी एकत्र साजरी करत आहेत. याचे अनेक फोटो सोशल मीडियावर व्हायरल होत आहेत. दरम्यान, कतरिनाने विकीचा एक क्यूट आणि फनी व्हिडिओ देखील शेअर केला आहे. यात दोघेजण पहाटे मस्ती करताना दिसत आहेत. या व्हिडिओत कतरिना तिच्या आगामी 'फोन भूत' चित्रपटाचा डायलॉग बोलून विकीची झोपमोड करताना दिसत आहे.
कतरिना कैफने हा व्हिडिओ तिच्या इंस्टाग्राम अकाउंटवर शेअर केला आहे. व्हिडिओत विकी कौशल गाढ झोपेत आहे. मग कतरिना त्याच्याकडे जाते आणि 'मी भूत आहे - मी भूत आहे' असे म्हणू लागते . त्यानंतर विकी घाबरून उठतो आणि कतरिनाकडे पाहतो. यानंतर अभिनेत्री पुन्हा तोच संवाद बोलते. पण, जागे होण्याऐवजी विकी कौशल ब्लँकेट ओढून पुन्हा झोपी जातो.
व्हिडिओ शेअर करताना कतरिनाने त्यावर मजेदार कॅप्शनही दिले आहे. 'बीवी का क्यूट छोटा वेकअप कॉल,' असे कॅप्शन लिहले आहे. कतरिनाच्या शेअर केलेल्या या व्हिडिओला हजारो लाईक्स आले आहेत.
कतरिनाच्या आगामी फोन भूत या चित्रपटात ती भूताची भूमिका साकारत आहे. या चित्रपटात तिच्यासोबत ईशान खट्टर आणि सिद्धांत चतुर्वेदी देखील दिसणार आहेत. फोन भूत हा चित्रपट एक हॉरर कॉमेडी आहे. हा चित्रपट 04 नोव्हेंबरला प्रदर्शित होणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.