Farhan Akhtarच्या ऑस्ट्रेलियन चाहत्यांसाठी वाईट बातमी...

Farhan Akhtar Latest News: दिल चाहता है, जिंदगी ना मिलेगी दोबारा, लक्ष्य यांसारख्या चित्रपटांचा दिग्दर्शक फरहान अख्तरने त्याच्या ऑस्ट्रेलियन चाहत्यांना एक वाईट बातमी दिली आहे. फरहान अख्तरने त्याच्या इंस्टाग्राम हँडलवर आगामी ऑस्ट्रेलियन दौऱ्याबाबत एक घोषणा केली आहे.

इन्स्टाग्रामवर पोस्ट करत फरहान अख्तरने चाहत्यांसोबत या महिन्यात त्याच्या बँडचा ऑस्ट्रेलिया दौरा रद्द झाल्याची माहिती दिली.

बॉलिवूडचा एक वेगळ्या शैलीचा अभिनेता, लेखक आणि गायक फरहान अख्तर अलीकडेच त्याची पत्नी शिबानी दांडेकरसोबतच्या पहिल्या वाढदिवसामुळे चर्चेत होता.  अभिनेत्याने त्यांच्या लग्नाच्या पहिल्या वाढदिवसानिमित्त चाहत्यांसह एक फोटो शेअर करून शिबानीवरील प्रेम व्यक्त केले. 

त्याचवेळी फरहानने एक अशी पोस्ट टाकली आहे, जी त्याच्या चाहत्यांचे हृदय तोडू शकते. आपल्या ऑस्ट्रेलियन चाहत्यांना उद्देशून अभिनेत्याने ही पोस्ट शेअर केली आहे. फरहान काय म्हणाला जाणून घेऊया.

फरहान अख्तरने त्याच्या इंस्टाग्राम हँडलवर आगामी ऑस्ट्रेलियन दौऱ्याबाबत एक घोषणा केली आहे. या पोस्टमध्ये फरहान अख्तरने चाहत्यांसोबत या महिन्यात त्याच्या बँडचा ऑस्ट्रेलिया दौरा रद्द झाल्याची माहिती दिली. 

काही अनपेक्षित परिस्थितीमुळे हा महिना रद्द करण्यात आला आहे, असे अभिनेत्याने लिहिले. अचानक झालेल्या बदलांबद्दल फरहानने निराशा व्यक्त केली.

फरहान अख्तरने इंस्टाग्रामवर लिहिले की, 'ऑस्ट्रेलियातील माझ्या चाहत्यांना ही माहिती देण्यासाठी ही पोस्ट आहे, अनपेक्षित परिस्थितीमुळे आमच्या बँड फरहान लाईव्हला त्यांचा ऑस्ट्रेलिया दौरा रद्द करावा लागला आहे. 

येत्या वीकेंडला आम्ही सिडनी आणि मेलबर्नला जाऊ शकणार नाही. या गोष्टीमुळे मी खरोखर निराश झालो आहे. तथापि, मी लवकरच तुमच्या सुंदर देशात येण्याची आणि तुमच्यासाठी लाईव्ह परफॉर्म करण्यास उत्सुक आहे.