Don 3 : फरहान अख्तरने डॉन 3 च्या लीड अॅक्ट्रेसवर मौन तोडले दिग्दर्शक फरहान अख्तरचा आगामी चित्रपट डॉन 3 चा टीझर नुकताच रिलीज झाला. यासोबतच चित्रपटाच्या मुख्य अभिनेत्याचे नावही समोर आले आहे. डॉन ३ मध्ये रणवीर सिंग डॉनची भूमिका साकारत आहे. त्याचवेळी या चित्रपटातील अभिनेत्री कोण असणार यावरही चर्चा सुरू आहे.
फरहान अख्तरने डॉन 3 च्या मुख्य अभिनेत्रीवर मौन तोडले: फरहान अख्तरचा चित्रपट डॉन 3 चर्चेत आहे. चित्रपटाच्या घोषणेनंतर त्याने 24 तासांत टीझर रिलीज करून खळबळ उडवून दिली. यासोबतच, डॉनच्या पुढच्या फ्रँचायझीमध्ये रणवीर सिंग मुख्य नायक असल्याचेही त्याने सांगितले. मात्र, चित्रपटाच्या अभिनेत्रीबाबतचा सस्पेन्स अजूनही कायम आहे.
डॉन ३ च्या अभिनेत्रीबाबत कोणतीही अधिकृत घोषणा झालेली नाही , मात्र अफवांचा बाजार चांगलाच तापला आहे. मीडिया रिपोर्ट्सनुसार डॉन 3 साठी कियारा अडवाणीला अप्रोच करण्यात आले आहे. आता दिग्दर्शक फरहान अख्तरने चित्रपटाच्या मुख्य अभिनेत्रीबाबत मौन सोडले आहे.
फरहान अख्तरने अलीकडेच बीबीसी एशियन नेटवर्कशी संवाद साधला. तिथे फरहानला डॉन 3 मध्ये रणवीर सिंग सोबत दिसणारी अभिनेत्री कोण? हे विचारलं गेलं . या प्रश्नाचे उत्तर देताना फरहानने सांगितले की, या चित्रपटासाठी अभिनेत्रीची निवड करण्याची प्रक्रिया अंतिम टप्प्यात आली आहे आणि हे काम पूर्ण होताच तो स्वत: या अभिनेत्रीचे नाव उघड करेल.
फरहान अख्तर म्हणाला, "चित्रपटाचं काम सुरू आहे. मला स्वतःहून पुढे जाऊन असे काही बोलायचे नाही जे मला नंतर काही कारणाने मागे घ्यावे लागेल, परंतु जेव्हा जेव्हा चित्रपटाची अभिनेत्री फायनल होईल तेव्हा तुम्हाला कळेल. ."
डॉन 3 चा टीझर रिलीज करण्याबाबत बोलताना फरहान म्हणाला, "आम्ही नुकतीच एक घोषणा केली कारण मला वाटते की रणवीरसाठी तो डॉनची भूमिका करत आहे हे जगाला सांगण्याचा हा एक चांगला क्षण आहे.
लोकांना देखील हळूहळू समजेल की आम्ही काय करतोय?., त्यामुळे आम्हाला या सगळ्यासाठी थोडा वेळ हवा आहे."
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.