Divya Bharti Death Anniversary: दिव्या भारतीचे 10 चित्रपट येण्याच्या मार्गावर होते पण आजच्याच दिवशी तिने कायमचा निरोप घेतला.....

Divya Bharti Death Anniversary: 5 एप्रिल 1993 बॉलिवूड आणि देशभरातल्या तिच्या चाहत्यांना एक धक्कादायक बातमी मिळाली. एका अभिनेत्रीला वेदनादायी मृत्यू आला आणि करिअरच्या शिखरावर असताना तिने जगाचा निरोप घेतला.

दिव्या भारती ही त्या अभिनेत्रींपैकी एक होती, जिचा इंडस्ट्रीतील काळ खूपच कमी होता, पण तिची छाप अमिट आहे. 

तिची आठवण कधीच पुसली जाऊ शकत नाही. मोठे काळे डोळे, मनमोहक हसू, कुरळे केस. दिव्या भारती सौंदर्याची खानच होती.

अगदी शुद्ध, निष्पाप असाच चेहरा होता तिचा. ज्या दिवशी दिव्याच्या मृत्यूची बातमी आली तेव्हा सर्वांनाच धक्का बसला. कोणीही विश्वास ठेवला नाही. तिने मागे आठवणी आणि अनेक चित्रपट सोडले, जे कायमचे अपूर्ण राहिले. 

काही चित्रपटांमध्ये करिश्माने काम केले तर काहींमध्ये रवीनाला कास्ट करण्यात आले. दिव्याच्या मृत्यूनंतर ति च्यासाठी डबिंग करताना आयशा झुल्काही खूप रडली. चला तुम्हाला त्या 10 चित्रपटांबद्दल सांगतो, जे दिव्याशिवाय अपूर्ण राहिले, पण चित्रपट पूर्ण झाले.

दिव्याच्या मृत्यूनंतर तिचा तेलुगु चित्रपट चिंतामणी रद्द करण्यात आला. त्याच्या आणखी एका धनवान चित्रपटात तिच्या जागी करिश्मा कपूरला कास्ट करण्यात आले होते. 

'लाडला' या सुपरहिट चित्रपटातही दिव्या होती, पण नंतर श्रीदेवीने त्यात काम केले. 'मोहरा'मध्ये तिची जागा रवीना टंडनने घेतली. रवीनाने 'दिलवाले'मध्येही काम केले होते. 

तब्बूला 'विजयपथ'मध्ये कास्ट करण्यात आले होते. ममता कुलकर्णीने 'आंदोलन'मध्ये काम केले. जुही चावलाला 'कर्तव्य'मध्ये कास्ट करण्यात आले होते. त्यांचा 'दो कदम' चित्रपट बॅकबर्नरवर गेला. काजोलने 'हस्टल'मध्ये काम केले होते. 'बॉडीगार्ड'मध्ये पूजा भट्टला कास्ट करण्यात आले होते.

दिव्या भारतीचा जन्म 25 फेब्रुवारी 1974 रोजी बॉम्बेमध्ये ओम प्रकाश भारती आणि मीता भारती यांच्या घरी झाला. तिला कुणाल नावाचा एक धाकटा भाऊ आणि पूनम नावाची सावत्र बहीण होती, जी ओम प्रकाश भारतींच्या पहिल्या लग्नाची मूलगी होती. 

 दिव्याला हिंदी, इंग्रजी आणि मराठी या भाषा चांगल्याच अवगत होत्या.दिव्या एका सुंदर बाहुलीसारखी दिसत होती. जुहू येथील शाळेत दिव्याचे शिक्षण झाले. अगदी लहान वयात म्हणजे नववीच्या वर्गानंतर अभिनयात नशीब आजमावण्यासाठी ती निघाली होती.

1988 मध्ये दिव्या भारतीला चित्रपट निर्माते नंदू तोलानी यांनी त्यांच्या 'गुनाहों का देवता' चित्रपटासाठी साइन केले होते. हा दिव्याचा डेब्यू सिनेमा ठरला असता, पण हा सिनेमा तिच्याकडून हिसकावून घेण्यात आला आणि त्यात संगीता बिजलानीला कास्ट करण्यात आलं. तेव्हा सलमान खान संगीता बिजलानीला डेट करत असे.