Jhund Movie: दिग्दर्शक नागराज मंजुळे यांची सामाजिक विषयांमध्ये रुची असल्याने त्यांनी बनवलेले चित्रपट हे समाजातील अशा विषयांवर आधारित असतात जे विषय आजवर हाताळले गेले नाहीत. नुकताच त्यांचा ‘झुंड’ (Jhund) हा सिनेमा प्रदर्शित झाला आहे.
बॉलीवूडचे दिग्गज अभिनेते अमिताभ बच्चन (Amitabh Bachchan) यांची प्रमुख भूमिका असलेला हा चित्रपट सध्या चांगलाच चर्चेत आहे. सोशल मीडियावर या चित्रपटाबाबत अनेकजण चर्चा करत आहेत. या चित्रपटाबाबत संमिश्र प्रतिक्रिया येत असल्या तरी अनेकांनी त्याचे कौतुक केले आहे. मात्र ‘झुंड’ प्रदर्शित झाल्यावर दिग्दर्शक केदार शिंदे (Kedar Shinde) यांची पोस्ट सध्या चर्चेचा विषय बनली आहे. त्यांनी ट्वीटद्वारे आपले मत व्यक्त केले आहे. (director kedar shinde reaction on jhund movie)
'मराठी असण्याचा अभिमान. तुमच्या पाठीशी तमाम जनता आहे, असे म्हणत त्यांनी नागराज मंजुळे यांना शुभेच्छा दिल्या आहेत. तर याबाबतच त्यांनी अजून एक पोस्ट केली आहे, ज्यात लिहिले आहे की, 'जात.. जात नाही तोवर माणूस म्हणवून घ्यायची आपली लायकी नाही. म्हणून झुंड हा चित्रपट पाहा.’
‘झुंड’ हा नागराज मंजुळे (Nagraj Manjule) यांचा पहिला हिंदी सिनेमा आहे. या चित्रपटाद्वारे नागराज यांनी हिंदी चित्रपटसृृष्टीत पदार्पण केलं आहे. स्लमसॉकरचे संस्थापक विजय बारसे यांच्या आयुष्यावर आधारित हा चित्रपट गेल्या 4 मार्च रोजी चित्रपटगृहांमध्ये प्रदर्शित झाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.