'ग कोणी तरी येणार, येणार ग' कॉमेडियन सुगंधा होणार आई, गोव्याच्या किनारी बेबी बंपसह केले फोटोशूट

Dr. Sanket Bhosale And Sugandhaa S Mishra: गायिका आणि कॉमेडियन सुगंधा मिश्राने 15 ऑक्टोबर रोजी तिच्या चाहत्यांसोबत आनंदाची बातमी शेअर केली आहे. अभिनेत्री लवकरच आई होणार आहे. सध्या ती प्रेग्नेंसीचा आनंद घेत असून, नुकतेच तिने सोशल मीडियावर बेबी बंपचे फोटो शेअर केले आहेत.

सुगंधा मिश्रा आणि संकेत भोसले यांच्या घरात लवकरच पाळणा हलणार आहे. आपल्या पहिल्या मुलाचे स्वागत करण्यासाठी हे जोडपे खूपच उत्सुक दिसत आहे.

सुगंधा मिश्राने इन्स्टाग्रामवर पती संकेत भोसलेसोबतचे एक नव्हे तर अनेक फोटो शेअर करून ही आनंदाची बातमी दिली आहे. 15 ऑक्टोबर दिवस खूप खास असून, याच दिवशी नवरात्रीला सुरुवात झाली आहे.

'कोणीतरी लवकरच येत आहे. आम्ही स्वत:ला अजिबात रोखू शकत नाही. तुमचे प्रेम आणि आशीर्वाद कायम ठेवा,' असे फोटो कॅप्शन तिने दिले आहे.

फोटोंमध्ये सुगंधा मिश्रा मरून रंगाच्या स्लिट गाऊनमध्ये तिचा बेबी बंप फ्लॉंट करताना दिसत आहे. तर संकेत गुलाबी शर्ट आणि डेनिम जीन्समध्ये दिसत आहे.

सुगंधा मिश्रा आणि संकेत यांचे 2021 मध्ये लग्न झाले. कोरोनाच्या काळात दोघांनीही अत्यंत साधेपणाने लग्न केले. दोघेही अनेक वर्षांपासून चांगले मित्र होते आणि त्यांच्या अफेअरच्या बातम्या खूप दिवसांपासून चर्चेत होत्या. आता लग्नाच्या दोन वर्षानंतर हे जोडपे आई-वडील होणार आहेत.