Miss Universe 2023: दरवर्षीप्रमाणे यंदाही मिस युनिव्हर्स 2023 सुरु होणार आहे. यावेळी 71 वी मिस युनिव्हर्स सुरु होणार आहे. न्यू ऑर्लीन्स, लुईझियाना येथील अर्नेस्ट एन मेमोरियल कन्व्हेन्शन सेंटर येथे 14 जानेवारी रोजी होणार्‍या या स्पर्धेत जगभरातील 86 महिला स्पर्धक सहभागी होणार आहेत. या यादीत भारतातील दिविता राय हिचाही समावेश आहे. माजी मिस युनिव्हर्स (2021) हरनाझ संधू मिस युनिव्हर्स स्पर्धेच्या विजेती स्पर्धकाला मुकुट घालेल.
2023 मिस युनिव्हर्स स्पर्धा शनिवार, 14 जानेवारी रोजी रात्री 8 वाजता होणार आहे. तर भारतात (India) 15 जानेवारीला सकाळी 6.30 वाजता पाहता येईल. JKN18 चॅनलच्या अधिकृत Facebook आणि YouTube चॅनलवर तुम्ही हा भव्य कार्यक्रम पाहू शकता. याशिवाय, वूटवरही त्याचे थेट प्रक्षेपण केले जाईल. या वर्षी मिस युनिव्हर्स माजी मिस युनिव्हर्स ऑलिव्हिया कल्पो आणि जीनी माई जेनकिन्स होस्ट करणार आहेत.
लाइव्ह शो पाहण्यासोबतच तुम्ही घरी बसूनही या शोमध्ये सहभागी होऊ शकता. वास्तविक, तुम्ही तुमच्या आवडत्या स्पर्धकालाही मत देऊ शकता, जे सुरु झाले आहे. तुमच्या आवडत्या स्पर्धकाला मत देण्यासाठी मिस युनिव्हर्स अॅप डाउनलोड करा. तुम्ही vote.missuniverse.com या वेबसाइटला भेट देऊ शकता. याशिवाय, तुम्ही #MissUniverse ट्विट करुन आणि नंतर #country चे नाव लिहून देखील मतदान करु शकता.
यावर्षी 23 वर्षीय दिविता राय मिस युनिव्हर्समध्ये भारताचे प्रतिनिधित्व करणार आहे. ती कोलकाता येथील रहिवासी आहे. दिविता राय ही व्यवसायाने आर्किटेक्ट आणि मॉडेल आहे. तिच्या आवडींमध्ये बॅडमिंटन (Badminton), बास्केटबॉल, चित्रकला, संगीत ऐकणे आणि पुस्तके वाचणे यांचा समावेश आहे.
दिविताने यापूर्वी LIVA मिस दिवा युनिव्हर्स 2022 चे विजेतेपद पटकावले आहे. माजी मिस युनिव्हर्स हरनाझ संधू यांच्या हस्ते तिला मुकुट घातला गेला. दिविताने मिस दिवा युनिव्हर्स स्पर्धा 2021 मध्येही भाग घेतला होता. जिथे, हरनाझ संधू (Harnaz Sandhu) विजेता ठरली होती. गेल्या वर्षी या स्पर्धेत दिविताची सेकंड रनर अप म्हणून निवड झाली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
