Bharti Singh : भारती सिंहला जुळी मुले होणार?

Bharti Singh : प्रसिद्ध कॉमेडियन भारती सिंह (Bharti Singh) ही प्रेक्षकांची आवडती कलाकार आहे. तिच्या विनोदाने ती नेहमीच प्रेक्षकांची मने जिंकत असते. आता लवकरच भारतीच्या घरी एका चिमुकल्या पाहुण्याची एन्ट्री होणार आहे. भारती आणि हर्ष लिंबाचिया हे लवकरच आई-बाबा होणार आहेत. भारतीला जुळी मुले होणार असल्याची चर्चा आता सर्वत्र सुरू आहे.

भारतीला (Bharati Singh) एका मुलाखतीमध्ये याबाबतचा विचारण्यात आले की, 'तुला जुळी मुले होणार आहेत का?' या प्रश्नाला तिने उत्तर दिले, 'मला एकच मूल होणार आहे. फक्त हे नाही माहित की मुलगा होणार आहे की मुलगी. आम्ही दोघेही खूप एक्सायटेड आहोत.'

भारती आणि हर्ष (Harsh Limbachiyaa)हे सध्या 'हुनरबाज: देश की शान' या कार्यक्रमाचे सूत्रसंचालन करत आहेत. या कार्यक्रमाचे परिणिती चोप्रा, करण जोहर आणि मिथून चक्रवर्ती हे परिक्षण करतात. तसेच भारती लवकरच 'खतरा खतरा' या शोमधूनही प्रेक्षकांच्या भेटीस येणार आहे. या शोमध्ये फराह खान देखील सहभागी होणार आहे.