मुंबई: सध्या सोशल मीडियावर एक नवीन आणि मनोरंजक ट्रेंड वेगानं व्हायरल होत आहे, ज्यात सामान्य लोकं प्रसिद्ध सेलिब्रिटींशी आपले नातेसंबंध असल्याचा दावा करताना दिसत आहेत. holyfknairball किंवा holyfcknairball या नावाने व्हायरल झालेल्या या ट्रेंडमध्ये अनेक युझर्सनी आपण अनुष्का शर्मा, मलायका अरोरा आणि माधुरी दीक्षितयांसारख्या मोठ्या सेलिब्रिटींचे नातेवाईक असल्याचा दावा केला आहे. यापैकी अनुष्का शर्माची बहीण अनेकांचं लक्ष वेधून घेतेय.
एका तरुण इन्स्टाग्राम युझरने आपण अनुष्का शर्माची बहीण असल्याचा दावा केला. त्यानंतर कमेंट सेक्शनमध्येएकानं लिहिलं,"इसका जिजू विराट कोहली है आणि त्यावर तिने "हां" असे उत्तर दिलंय. या व्हिडिओला विराट कोहलीशी संबंधित अनेक मजेदार कमेंट्स मिळतायत.
एका व्यक्तीने लिहिलंय, "विराट भाई का फोन नं. दे दो." दुसऱ्याने , "जर ती त्यांच्या 'कुटुंबातील' असेल, तर ते तिला फॉलो का करत नाहीत? असा प्रश्न केलाय, तर एकाने "फेक उतना ही जितन की लपेट सको" अशी थेट प्रतिक्रिया दिलीये.
काही विराट कोहलीचे चाहते किमान विराट कोहलीचा ऑटोग्राफ दे म्हणतायत, तर काहींना विराट कोहलीचा नंबर हवा आहे.
या सोशल मीडियाच्या चर्चेत काही धोनीचे चाहते देखील असून ते कोहलीला ओळखत असलीस तर धोनीला भेटवशील का? असा प्रश्न विचारतायत.
अनेक कमेंट्सनंतर, त्या इन्स्टाग्राम युझरने तिने 'रील'मध्ये केवळ विनोद केल्याचं स्पष्ट केलं. हा व्हिडिओ व्हायरल झाल्यानंतर, अनेकांनीही अनुष्का शर्माचे नातेवाईक असल्याबद्दल असेच व्हिडिओ बनवले. या व्हायरल ट्रेंडमध्ये इतर अनेक तरुण इन्स्टाग्रामर्सनी मलायका अरोरा आणि माधुरी दीक्षित यांसारख्या सेलिब्रिटींशी संबंधित असल्याचा दावा करणारे व्हिडिओ बनवले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.