80 च्या दशकातील प्रसिद्ध बॉलीवूड अभिनेत्री अमृता सिंगने जेव्हा सैफ अली खानसोबत लग्न केले. 20 वर्षीय सैफसोबत काही महिने डेट केल्यानंतर अमृताने लग्न करण्याचा निर्णय घेतला होता, असे म्हटले जाते. पतौडी कुटुंबातील मुलाचे लग्न त्यावेळी अनेक कारणांमुळे चर्चेत होते. आघाडीची अभिनेत्री अमृता आणि सैफ यांच्या वयातील अंतर हे देखील चर्चेचे कारण होते.(amrita singh and saif ali khan met after divorce for daughter sara ali Khan)
जेव्हा 20 वर्षीय सैफ अली खानने 32 वर्षीय अमृता सिंगशी लग्न करण्याचा निर्णय घेतला तेव्हा ते कठीण होते, म्हणून दोघांनीही आपल्या कुटुंबातील सदस्यांपासून गुपचूप लग्न केले. हे लग्न फार काळ टिकणार नाही असे सगळ्यांनाच वाटत होते, पण सगळ्यांना नकार देत त्यांचे वैवाहिक आयुष्य सुखात गेले. तब्बल 13 वर्षांनंतर जेव्हा या प्रेमसंबंधात कटुता येऊ लागली तेव्हा दोघांनी परस्पर संमतीने घटस्फोट घेतला.
घटस्फोटानंतर सैफ-अमृता यांची भेट सारामुळे झाली
अमृता सिंग आणि सैफ अली खान (Saif Ali Khan) यांचा घटस्फोट लग्नाइतकाच गाजला. हे आधीच ठरल्याचे अनेकांनी सांगितले. मात्र, दोन्ही स्टार्सनी त्यांच्या आयुष्याचा मोठा निर्णय घेतला आणि वेगळे झाल्यानंतर ते एकत्र दिसले नाहीत. पण मुलगी सारा अली खानमुळे दोघांची एकदा भेट झाली. याचा खुलासा खुद्द साराने मीडियाला दिलेल्या मुलाखतीत केला आहे.
सैफ-अमृता यांची शेवटची भेट
सारा अली खानने (Sara Ali Khan) सांगितले होते की, तिच्या पालकांची शेवटची भेट अमेरिकेतील कोलंबियामध्ये झाली होती. दोघेही त्यांची लाडकी मुलगी साराचे अ‍ॅडमिशन घेण्यासाठी आले होते. यादरम्यान अमृता सिंग, सैफ आणि साराने एकत्र डिनर केले आणि अविस्मरणीय क्षण अनुभवले.
सारा तिच्या आई-वडिलांच्या जवळ आहे
सारा अली खान स्वतः आता बॉलिवूडची प्रसिद्ध अभिनेत्री बनली आहे. सारा तिचे आई आणि वडील दोघांच्याही जवळ आहे. सारा अनेकदा तिची आई अमृतासोबत सुट्टीवर जाते आणि सैफसोबत वेळ घालवते. एवढेच नाही तर सैफची दुसरी पत्नी आणि बॉलीवूड अभिनेत्री करीना कपूर खान (Kareena Kapoor) आणि तिची मुले तैमूर, जेह यांच्यासोबतही सारा चांगलीच रमते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
