बप्पी लहरींनी त्यांच्या बायोपिकसाठी 'या' अभिनेत्याची केली होती निवड

Bappi Lahiri Biopic: आपल्या संगीत सृष्टीला अनेक बहारदार गायक लाभले आहेत. त्यातील मध्यंतरीच्या काळात गानकोकिळा लता मंगेशकर आणि प्रसिद्ध गायक बप्पी लहरी यांचे 16 फेब्रुवारी 2022 रोजी निधन झाले. बप्पी लहरी हे त्यांच्या गाण्यांबरोबरच कपडे आणि सोन्याच्या दागिन्यांबद्दल असणाऱ्या आवडीसाठीही चर्चेत असायचे. बप्पी लहरी (Bappi Lahiri) यांनी त्यांच्या आयुष्यात अनेक पुरस्कार जिंकले होते. त्यांच्या संगीत जगतातील कारकिर्दीवर लवकरच बायोपिक बनवला जाणार आहे. बप्पी लहरी यांचा मुलगा बाप्पा लहरी यांनी याबाबतची माहिती सर्वांना दिली आहे. (Bappi Lahiri had chosen actor Ranveer Singh for his biopic)

जर माझ्या वडिलांवर चित्रपटाची निर्मिती झाली तर त्यांची भूमिका ही अभिनेता रणवीर सिंहने साकारावी, अशी त्यांची नेहमी इच्छा होती. रणवीर सिंहने (Ranveer Singh) त्यांच्या बायोपिकमध्ये काम करावे, असे त्यांना वाटायचे.

काही वर्षांपूर्वी आम्ही याबाबत चर्चा केली होती. त्यावेळी आम्ही अनेक निर्मात्यांशीही बोललो होतो. माझ्या वडिलांचे रणवीरवर प्रचंड प्रेम होते. त्यांना तो प्रचंड आवडायचा. त्यामुळे रणवीर सिंहने त्यांच्या बायोपिकमध्ये त्यांची भूमिका साकारावी, अशी त्यांची इच्छा होती, असे मत बप्पी लहरी यांच्या मुलाने व्यक्त केले आहे.