'आरआरआर' हा चित्रपट 25 मार्च रोजी प्रेक्षकांच्या भेटीस येणार आहे. चित्रपटाची संपूर्ण 'कास्ट' सध्या प्रमोशनमध्ये व्यस्त आहे. नुकतीच संपूर्ण टीम चित्रपटाच्या प्रमोशनसाठी वाराणसीला पोहोचली. ज्युनियर एनटीआर आणि राम चरणसोबत आलिया भट्टचे फोटोही सोशल मीडियावर व्हायरल होत आहेत. (RRR Movie News Updates)
फोटोंमध्ये आलिया भट्ट (Alia Bhatt) पिवळ्या रंगाच्या पोशाखात दिसत आहे. काही दिवसांपूर्वी आलियाचा 'गंगूबाई काठियावाडी' हा चित्रपट प्रदर्शित झाला होता. या चित्रपटाचे दिग्दर्शन संजय लीला भन्साळी यांनी केले होते. 100 कोटींची कमाई करणाऱ्या या चित्रपटात (Movie) आलियाचा अभिनय दमदार होता.
आता आलिया 'आरआरआर'साठी सज्ज झाली आहे. 400 कोटींच्या बजेटमध्ये तयार झालेला हा चित्रपट 25 मार्चला थिएटरमध्ये प्रदर्शित होत आहे. या चित्रपटाचे दिग्दर्शन एसएस राजामौली यांनी केले आहे. चित्रपटाचे जोरदार प्रमोशन केले जात आहे. गेल्या रविवारी चित्रपटाची संपूर्ण स्टारकास्ट दिल्लीत (Delhi) पोहोचली होती. यादरम्यान आमिर खानही टीमसोबत दिसला. या चित्रपटात आलिया भट्ट दक्षिण भारतीय लूकमध्ये दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
