Pregnant Alia Bhatt's Stylish Fashion At Brahmastra Event: आलिया तिच्या गर्भधारणेच्या टप्प्याचा आनंद घेण्यासोबतच, आलिया भट्ट सध्या व्यावसायिक क्षेत्रात देखील खूप अॅक्टिव्ह आहे. नुकताच आलियाचा डार्लिंग्स हा चित्रपट प्रदर्शित झाला, ज्याला प्रेक्षकांचा चांगला प्रतिसाद मिळाला. दरम्यान, आलिया भट्ट सध्या तिच्या आगामी 'ब्रह्मास्त्र' चित्रपटाच्या प्रमोशनमध्ये व्यस्त आहे. आता चित्रपटाच्या प्रमोशनल इव्हेंटमधील तिचे काही फोटो व्हायरल होत आहेत.
आलिया भट्ट आणि रणबीर कपूर या चित्रपटाबद्दल खूप एक्साईटेड आहे. चाहत्यांमध्ये देखील ‘ब्रह्मास्त्र’ चित्रपटाबद्दल चर्चा आणि उत्साह आहे. या दोघांना पहिल्यांदाच या चित्रपटात एकत्र पाहण्यासाठी चाहते खूप उत्सुक आहेत. अलीकडेच, या कपलला चित्रपटाच्या प्रमोशनल इव्हेंटमध्ये एकत्र पाहिले गेले होते जिथे आलिया एका रंगीबेरंगी फंकी प्रिंटेड टी-शर्टमध्ये आकर्षक दिसत होती.
तिने कॅज्युअल ओव्हरसाईज टी-शर्ट घातला होता, ज्यामधून तिने तिचा बेबी बंप पूर्णपणे कवर केला होता. यासोबत तिने स्काय ब्लू ब्रॉड हील्स घातल्या होत्या. प्रमोशनदरम्यान आलियाने ज्या प्रकारे उत्साह दाखवला त्याचे सर्वत्र कौतूक होत आहे. त्याचबरोबर सोशल मीडियावरही तिच्या लूकची खूप प्रशंसा केली जात आहे.
आलियाची फॅशन सर्वात हटके
सर्वांना माहिती आहे की, गरोदरपणात आलिया स्वत:साठी हटके कपडे सिलेक्ट करत आहे. कार्यक्रमादरम्यान बेबी बंप कवर करण्यासोबतच तिला स्टायलिश दिसावे लागते, ज्यासाठी तिने असा लूक कॅरी केला आहे. आलियाच्या या टी-शर्टची किंमत 4 हजारांपेक्षा जास्त आहे. त्याचबोरबर तिच्या हिल्सची किंमत 44,500 रुपयांपेक्षा जास्त आहे.
अयान मुखर्जी दिग्दर्शित या चित्रपटात आलिया आणि रणबीर व्यतिरिक्त मौनी रॉय, अमिताभ बच्चन हे देखील दिसणार आहेत. या चित्रपटात शाहरुख खानचाही कॅमिओ असणार आहे. हा चित्रपट 9 सप्टेंबरला चित्रपटगृहात रिलिज होणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
