World's Best Influencers : लग्न झाल्यावर आलिया भट्टला मिळाली ही 'गुड न्यूज'

आलिया भट्ट आणि रणबीर कपूरच्या लग्नाला दहा दिवसांपेक्षा जास्त काळ लोटला आहे. बॉलीवूडची ही सर्वात लोकप्रिय जोडी पुन्हा आपापल्या कामावर परतली आहे. रणबीर कपूरने रश्मिका मंदान्नासोबत 'अॅनिमल' चित्रपटाचे शूटिंग सुरू केले आहे, तर आलिया भट्टही तिच्या स्वत:च्या प्रोजेक्टवर काम करत आहे. अशा रीतीने फुरसतीचा वेळ एकत्र घालवण्याऐवजी या जोडप्याने आपल्या कामाला प्राधान्य दिले आहे. मात्र याच दरम्यान नववधू आलिया भट्टसाठी एक आनंदाची बातमी आली आहे. ही आनंदाची बातमी आलिया भट्टसाठीच नाही तर तिच्या चाहत्यांसाठीही आहे. (Alia Bhatt Become Worlds Best Influencers)

आलिया भट्टने इंस्टाग्रामवर सिनेजगतातील टॉप इन्फ्लुएंसर्समध्ये स्थान मिळवले आहे. जगभरातील या टॉप 5 इन्फ्लुएंसर्सच्या यादीत आलिया भट्ट ही एकमेव भारतीय आणि आशियाई कलाकार आहे. टॉप 5 च्या या क्रमवारीत आलिया भट्ट चौथ्या स्थानावर आहे. या यादीत हॉलिवूड स्टार झेंडाया पहिल्या क्रमांकावर आहे, तर टॉम हॉलंड दुसऱ्या क्रमांकावर, विल स्मिथ तिसऱ्या क्रमांकावर आणि जेनिफर लोपेझ पाचव्या क्रमांकावर आहे.

'RRR' आणि 'गंगूबाई काठियावाडी'मध्ये दिसल्यानंतर आलिया भट्ट आता लवकरच हॉलिवूड चित्रपटात पदार्पण करणार आहे. 'हार्ट ऑफ स्टोन' असे या आंतरराष्ट्रीय स्पाय थ्रिलर चित्रपटाचे नाव आहे. यात तिच्यासोबत गॅल गॅडोट आणि जेमी डोर्नन दिसणार आहेत. अशाप्रकारे आता ती बॉलीवूड ते ग्लोबल स्टार बनणार आहे.