'इतिहासाच्या पुस्तकांमध्ये आक्रमणकर्त्यांबद्दल खूप काही पण...': अक्षय कुमार

बॉलीवूड अभिनेता अक्षय कुमारने (Akshay Kumar) सम्राट पृथ्वीराज चौहान यांच्यावर आधारित त्याच्या आगामी चित्रपटाबाबत बोलताना दावा केला की, इतिहासाच्या पुस्तकांमध्ये भारतीय राजांचा उल्लेख कमी आहे, तर या पुस्तकांमध्ये आक्रमकणकर्त्यांचा मोठा वाटा आहे. अक्षय कुमार आणि मानुषी छिल्लर यांचा 'पृथ्वीराज' चित्रपट या शुक्रवारी चित्रपटगृहात प्रदर्शित होणार आहे. (akshay kumar says lot about invaders in history books)

अक्षय कुमारने (Akshay Kumar) एएनआय या वृत्तसंस्थेला दिलेल्या मुलाखतीत सांगितले की, ''दुर्दैवाने आपल्या इतिहासाच्या पुस्तकांमध्ये सम्राट पृथ्वीराज चौहान यांच्याबद्दल फक्त दोन-तीन ओळी आहेत, परंतु आक्रमणकर्त्यांबद्दल बरेच काही नमूद केले आहे.'' अक्षयने शिक्षणमंत्र्यांना या प्रकरणात लक्ष घालण्याचे आवाहन केले. इतिहासाच्या (History) पुस्तकात आपली संस्कृती आणि महाराजांबद्दल फारसे काही नाही.

आपल्या इतिहासाच्या पुस्तकांमध्ये याबद्दल कोणीही लिहिणार नाही, असे अक्षय म्हणाला. मला शिक्षणमंत्र्यांना आवाहन करायचे आहे की त्यांनी या प्रकरणात लक्ष घालावे आणि आपण समतोल साधू शकतो का ते पहावे. आपल्याला मुघलांबद्दल माहिती असायला हवी, पण आपल्या राजांचीही माहिती असायला हवी, तेही खूप चांगले होते, असेही तो म्हणाला.

शिवाय, गायक कृष्णकुमार कुननाथ (KK) यांच्या निधनाबद्दल अक्षय कुमार म्हणाला की, तो माझ्या करिअरचा एक भाग होता, तो माझ्या चित्रपटांचा एक भाग होता. एअरलिफ्टसाठी त्याने जबरदस्त गाणे गायले. काल रात्री जे घडले ते अतिशय दुःखद आणि धक्कादायक होते. मानसिक आरोग्याबाबत अक्षय म्हणाला की, आपण स्वतःला शांत ठेवले पाहिजे. आपल्या जीवनशैलीत बदल घडवून आणण्याची गरज आहे. कोविडमधून (Covid) बाहेर येईपर्यंत काही वर्षे गर्दी थोडी कमी केली पाहिजे.