साऊथ चित्रपटसृष्टीतून सध्या एक वाईट बातमी समोर आली आहे.साऊथचा प्रसिद्ध अभिनेता विजय राघवेंद्रच्या पत्नी स्पंदना यांचे कुटुंबासह सुट्टीवर असताना बँकॉक येथे हृदयविकाराच्या झटक्याने निधन झाले तिच्या आकस्मिक निधनाच्या वृत्ताने तिचे कुटुंबीय, नातेवाईक आणि चाहत्यांनाही धक्का बसला आहे.
ऑगस्ट महिन्यात हे जोडपे आपल्या लग्नाचा 16 वा वाढदिवस असताना ही दुर्देवी घटना घडली आहे. स्पंदनाचे 2007 साली विजय राघवेंद्रसोबत लग्न झाले होते. या जोडप्याला शौर्य नावाचा मुलगा होता. तुलू कुटुंबातील स्पंदना ही माजी पोलीस अधिकारी शिवराम यांची मुलगी आहे. 2017 मध्ये प्रदर्शित झालेल्या रविचंद्रन यांच्या अपूर्व चित्रपटातही तिने कॅमिओची भूमिका साकारली होती.
मिळालेल्या माहितीनुसार, "स्पंदनाचे पार्थिव उद्यापर्यंत बेंगळुरूला परत आणले जाईल." स्पंदनाचा पती विजय राघवेंद्र साऊथमधील लोकप्रिय अभिनेता आहे, त्याला चिन्नरी मुथा या चित्रपटातील अभिनयासाठी राष्ट्रीय पुरस्कार मिळाला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.