Viral Video : देसी जुगाड! आलिशान मर्सिडीजला रिक्षाचं इंजिन; पुण्याच्या रस्त्यावरील हा व्हिडिओ एकदा पाहाच

भारतातील रस्त्यांवर वाहनांच्या वर केले जाणारे स्टंट तर आपण नेहमीच पाहत असतो. याबद्दलचे अनेक व्हिडिओ देखील व्हायरल होत असतात. मात्र, नुकत्याच सोशल मीडियावर व्हायरल होत असलेल्या एका व्हिडिओमध्ये एका रिक्षाचालकाने वाहन चालवताना मर्सिडीजवर पाय ठेऊन कारला धक्का देत असल्याचे दिसत आहे. इंटरनेटवर हा व्हिडिओ तुफान व्हायरल होत असून यावर अनेक प्रतिक्रिया येत आहेत. (Mercedes Viral Video)

व्हिडिओनुसार, पुण्यातील कोरेगाव पार्कमध्ये हा प्रकार घडला आहे. बिघाड झाल्यास वाहनांना दुसर्‍या वाहनाने धक्का देताना आपण अनेकदा पाहतो. मात्र एखाद्या आलिशान कारला ऑटोचालकाने धक्का दिल्याची ही पहिलीच घटना असावी.

इथे पाहा हा व्हायरल व्हिडिओ :

या व्हिडिओवर नेटिझन्स आणि प्रेक्षकांमध्ये संमिश्र प्रतिक्रिया उमटत आहेत. हा स्टंट प्रेक्षकांनी कॅमेऱ्यात कैद केला आणि सोशल मीडियावर शेअर केला.पुणेरी स्पिक्स या पेजवर हा व्हिडिओ शेअर केला असून, 'संकटकाळी मदतीला येणारा एक रिक्षावाला मित्र पाहिजेच' असे मजेशीर कॅप्शन व्हिडिओखाली देण्य़ात आले आहे.