बाळासाहेबांचे नाव घेण्याची पात्रता शिवसेनेत नाही : नारायण राणे

सावंतवाडी : येथे बोलताना केंद्रीय मंत्री नारायण राणे यांनी शिवसेनेवर घणाघात केला. ते म्हणाले, उद्धव ठाकरे यांनी हिंदूत्वाशी गद्दारी करून काँग्रेस-राष्ट्रवादीच्या मांडीला मांडी लावून राज्यात सत्ता उपभोगत आहेत. बाळासाहेबांचे नाव घेण्याची पात्रता आताच्या शिवसेनेत नाही, अशी टीका देखील राणे यांनी केली. (Union Minister Narayan Rane criticizes Shiv Sena)

देशाबरोबर महाराष्ट्रात पुढील 50 वर्षे भाजपची सत्ता कायम राहील, असा ठाम विश्वासही राणे यांनी व्यक्त केला. सागरी अतिक्रमणग्रस्त देवबाग गावासाठी केंद्रीय मंत्री नारायण राणे यांनी आपल्या खासदार फंडातून दिलेल्या एक कोटी रुपये खर्चाच्या बंधाऱ्याच्या कामाचे भूमिपूजन त्यांच्या हस्ते करण्यात आले.

या वेळी भाजप प्रदेश सचिव माजी खासदार नीलेश राणे, भाजप जिल्हाध्यक्ष राजन तेली, जिल्हा सरचिटणीस अशोक सावंत, जिल्हा प्रवक्ते बाबा मोंडकर आदी उपस्थित होते. राणे कुटुंबीय शिवसेनेवर सातत्याने टीका करता असतात. दरम्यान, आमदार नितेश राणे यांनी मुख्यमंत्री उद्धव ठाकरे यांना पत्र लिहून पावसाळ्यात मुंबईत साठणाऱ्या पाण्याबाबत चिंता व्यक्त केली.