जेष्ठ शिवशाहीर बाबासाहेब पुरंदरे यांचे दु: खद निधन

जेष्ठ शिवशाहीर बाबासाहेब पुरंदरे यांचं आज दु: खद निधन झालं आहे. वयाच्या 100 व्या वर्षी दिनानाथ मंगेशकर रुग्णालयामध्ये त्यांनी अखेरचा श्वास घेतला.

शिवचरीत्र उभ्या महाराष्ट्रामध्ये घराघरात पोहोचवणाऱ्या आपल्या वक्तृत्वाने मराठी माणसांना त्यांच्यात वीरश्री अन राष्ट्रभक्तीची ज्योत पेटवण्याचा तब्बल साठहून अधिक वर्षे प्रयत्न करणाऱ्या शिवशाहीर बाबासाहेब पुरंदरे यांची प्रकृती चिंताजनक होती असून दीनानाथ मंगेशकर रुग्णालयात त्यांच्यावर उपचार सुरु होते. कालच रुग्णालय प्रशासनाच्यावतीने सांगण्यात आले होते की, बाबासाहेब गेल्या आठवडापासून दीनानाथ मंगेशकर रुग्णालयात दाखल करण्यात आले होते आणि त्यांना न्युमोनियाची लागण झाली होती.

बाबासाहेबानी हिंदवी स्वराज्याचे संस्थापक छत्रपती शिवाजी महाराजांवर (Shivaji Maharaj) राजा शिवछत्रपती ग्रंथांची निर्मिती केली आहे. त्या ग्रंथास वाचकांचा मोठ्या प्रमाणात प्रतिसाद मिळाला आहे. केवळ महाराष्ट्रात नाहीतर देशाच्या कानाकोपऱ्यात त्यांचे चाहते आहेत. महाराष्ट्राच्या सांस्कृतिक इतिहासात बाबासाहेबानी लिहिलेले शिवचरित्र यांची चर्चा असते. लहानांपासून ज्येष्ठांपर्यत सर्वांनी शिवचरित्राचे पारायण केले. बाबासाहेब हे शिवव्याख्याते म्हणून त्यांची लोकांना ओळख झाली. आणि त्यांच्या शिवचरित्राला संपूर्ण महाराष्ट्रातून प्रतिसाद मिळाला.