Gaganbawda Kolhapur National Highway: गगनबावडा-कोल्हापूर राष्ट्रीय महामार्गावरील वाहतूक सलग तिसऱ्या दिवशी ठप्प; पावसाचा जोर कायम!

Gaganbawda Kolhapur National Highway: कोकणासह संपूर्ण महाराष्ट्रात सध्या पावसानं धूमशान घातलं आहे.
Gaganbawda Kolhapur National Highway: गगनबावडा-कोल्हापूर राष्ट्रीय महामार्गावरील वाहतूक सलग तिसऱ्या दिवशी ठप्प; पावसाचा जोर कायम!
Gaganbawda Kolhapur National HighwayDainik Gomantak
Published on
Updated on

कोकणासह संपूर्ण महाराष्ट्रात सध्या पावसानं धूमशान घातलं आहे. विशेषत: कोकणात मुसळधार पावसामुळे हाहाकार उडाला आहे. येथील नद्यांनी धोक्याची पातळी ओलांडली आहे. तर पुन्हा एकदा मुंबई-गोवा महामार्गावरील वाहतूक ठप्प झाली आहे.

दुसरीकडे, कोल्हापूरमध्ये पावसानं थैमान घातलं आहे. सलग तिसऱ्या दिवशी गगनबावडा-कोल्हापूर राष्ट्रीय महामार्गावरील वाहतूक विस्कळीत झाली. या महामार्गावरील खोकुर्ले, मांडुकली, किरवे दरम्यान रस्त्यावर पुराचे पाणी आल्याने ही वाहतूक ठप्प झाली.

दरम्यान, कोल्हापुरात सध्या पडत असलेल्या मुसळधारा पावसामुळे पूरसदृश्य परिस्थिती निर्माण झाली आहे. पंचगंगा नदीने धोक्याची पातळी ओलांडली. तर कुंभी नदीच्या आलेल्या पुरामुळे पुरस्थिती निर्माण झाली आहे.

गगनबावडा- कोल्हापूर राष्ट्रीय महामार्गावर मांडुकली खोकुर्ले दरम्यान पुराचे पाणी आल्याने रविवारपासून वाहतूक विस्कळीत आहे. या महामार्गावरील वाहतूक सध्या राधानगरीमार्गे वळवण्यात आली आहे.

तर दुसरीकडे, कोकणात (Konkan) जाणारी वाहतूक फोंडा घाट मार्गे वाळवण्यात आली. येत्या काही दिवसांत पावसाचा जोर कायम राहणार असल्याने हवामान विभागाने सतर्कतेचा इशारा दिला आहे.

Gaganbawda Kolhapur National Highway: गगनबावडा-कोल्हापूर राष्ट्रीय महामार्गावरील वाहतूक सलग तिसऱ्या दिवशी ठप्प; पावसाचा जोर कायम!
Mumbai Goa Highway: मुंबई-गोवा महामार्गवरील जगबुडी नदीवरील नव्या पुलाला मोठे तडे; कोकणात पावसाचा जोर कायम!

तसेच, गेल्या दोन दिवसांपासून पडत असलेल्या पावसामुळे रत्नागिरी (Ratnagiri) जिल्ह्यातील राजापूर शहरात पुन्हा पूरसदृश्य परिस्थिती निर्माण झाली आहे. शहरातील अर्जुना आणि कोदवली नद्यांच्या पाण्याच्या पातळी प्रचंड वाढ झाली आहे. त्यामुळे पुराचे पाणी जवाहर चौकापर्यंत पोहोचले आहे. तर अर्जुना नदीपात्रात असलेलं पुंडलिक मंदिरही पाण्याखाली गेलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com