रत्नागिरी : कोकण- रेल्वे (Konkan Railway) मार्गावर राजधानी एक्स्प्रेसच्या (Rajdhani Express) इंजिनचे चाक घसल्याने या मार्गावरील वाहतूक विस्कळीत झाली होती. या मार्गावर कोकण रेल्वे मार्गावरील अपत्कालीन यंत्रणा (Emergency system) घटनास्थळी दाखल होऊन अधिकारी आणि कामगारांनी ६ तासानंतर या मार्गावरील राजधानी एक्सप्रेसचे घसरलेले इंजिन पुन्हा मार्गस्थ केले आहे. अधिकारी आणि कामगारांनी इतक्या कमी वेळेत केलेली ही कामगिरी कौतुकास्पद आहे.
दरम्यान, राजधानी एक्स्प्रेसच्या इंजिनचे चाक रुळावरुन घसरल्याने, कोकण रेल्वेची वाहतूक ठप्प झाली आहे. कोकण रेल्वेच्या भोके ते उक्षी मार्गावर बोल्डर रूळावर पडल्याने राजधानी एक्सप्रेसच्या इंजिनचं एक चाक रूळावरून घसरल्याने कोकण रेल्वेची वाहतूक थांबली आहे. ही घटना आज पहाटे सव्वा चारच्या सुमारास घडली. हजरत निजामुद्दीन ते मडगाव या मार्गे ही ट्रेन धावत होती. या घटनेची माहिती मिळताच कोकण रेल्वेची आपत्कालीन यंत्रणा घटनास्थळी तात्काळ रवाना झाली आहे आणि इंजिन पुन्हा मार्गावर आणण्याचे काम सुरु आहे. त्यामुळे कोकण रेल्वेच्या मार्गावरून जाणाऱ्या विविध गाड्या मार्गावरील स्थानकात थांबिवण्यात आल्या होत्या. सुदैवाने या घटनेमध्ये कोणत्याही प्रवाशाला दुखापत झालेली नाही.
या आपघातामुळे कोकण रेल्वे मार्गावरील वाहतूक ठप्प झाली होती. दरम्यान रत्नागिरी स्थानकात कोचीवली एक्सप्रेस, भोके येथे सीएसटीएम कडे जाणारी एक्सप्रेस, चिपळूणला नागकोईल एक्सप्रेस, दिवा सावंतवाडी एक्स्प्रेस खेडला तर मंगला एक्सप्रेस वैभवावाडीला थांबवून ठेवण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
