बंडखोर आमदारांच्या एन्ट्री अगोदरच गोवा पोलीस सतर्क

आसाम येथे गेले चार ते पाच दिवस तळ ठोकून असलेला शिवसेनेच्या बंडखोर नेत्यांचा ताफा आता गोव्याच्या दिशेने निघाल्याचे वृत्त नुकतेच हाती आले आहे. या पार्श्वभूमीवर गोवा येथील दोना पावला येथील हॉटेल ताज कन्वेन्शन या ठीकाणी येत्या काही तासातच पोहोचणार आहेत. या पार्श्वभूमीवर हॉटेल ताज कन्वेन्शन येथे पोलीसांनी बंदोबस्त ठेवला आहे. त्यामूळे या हॉटेलमध्ये प्रवेश करणाऱ्या प्रत्येकाची कसून चौकशी पोलीसांनी सुरु केली आहे.

आज दोना पावला येथील हॉटेल ताजमध्ये महाराष्ट राज्यातील शिवसेनेचे बंडखोर आमदार येणार आहेत त्यामूळे हॉटेलच्या गेट बाहेर पोलिस बंदोबस्त तैनात करण्यात आला आहे. या पार्श्वभूमीवर शिवसेना आमदार दिपक केसरकर यांच्याशी गोमन्तक प्रतिनिधींनी संवाद साधला असता त्यांनी मुख्यमंत्री उद्धव ठाकरे यांना आम्ही सर्वांनी वारंवार राष्ट्रवादी आणि भाजप सोबतची युती तोडूयात अशी विनंती केली. पण पण ते ऐकण्यास तयार नाहीत.

आम्ही आमची भुमिका ऐका अशी विनंती ही केली मात्र ते ऐकायला तयारच नाहीत असे केसरकर यावेळी म्हणाले. त्यामूळे आता आम्ही महाविकास आघाडीतून बाहेर पडाणार हे अटळ आहे. आणि याचे पहिले पाऊल म्हणजे आम्ही आता गुहावटी सोडली आहे. आणि गोव्याच्या दिशेने निघाल्याचे त्यांनी स्पष्ट केले आहे.