...म्हणून शिवसैनिकांनी त्याला मारहाण केली

मुख्यमंत्री उद्धव ठाकरेंविरोधात सोशल मीडियावर आक्षेपार्ह पोस्ट केल्यामुळे शिवसैनिकांनी एका व्यक्तीला मारहाण केल्याची घटना घडली आहे. ही व्यक्ती ‘द काश्मीर फाइल्स’ चित्रपट पाहण्यासाठी गेली असता तिला चित्रपटगृहाच्या बाहेरच मारहाण करण्यात करण्यात आली. ही घटना धरणगाव येथे घडली.

मिळालेल्या माहितीनुसार, धरणगाव येथील हेमंत द्वितीये यांनी सोशल मीडियावरील (Social Media) जळगाव शहरातील एका ग्रुपवर मुख्यमंत्री उद्धव ठाकरे यांच्याबद्दल आक्षेपार्ह पोस्ट टाकली. या पोस्टमुळे शिवसैनिकांनी त्यांना मारहाण केली. हेमंत द्वितीये शहरातील आयनॉक्स चित्रपटगृहामध्ये ‘द कश्मीर फाइल्स’ चित्रपट पाहण्यासाठी आले होते. चित्रपट (Movie) संपल्यावर चित्रपटगृहाबाहेर शिवसैनिकांनी त्यांना बेदम मारहाण केली आणि जाब विचारला.

हेमंत द्वितीये यांच्याकडून शिवसैनिकांनी या पोस्टसंदर्भात माफी मागून घेतली. “माझ्याकडून चुकीची पोस्ट टाकली गेली. त्याबद्दल मी माफी मागतो” असं म्हणत हेमंत यांनी माफी मागितली.

“ज्या ज्या वेळेला मुख्यमंत्रीसाहेबांबद्दल अशी पोस्ट टाकेल त्याला असाच चौकामध्ये चोप दिला जाईल. अशी कोणतीही पोस्ट शिवसेनेच्याबद्दल आणि मुख्यमंत्रीसाहेबांबद्दल कोणी टाकू नये, हे याद राखावं,” असे शिवसेना (Shiv Sena) जिल्हा सहसंपर्क प्रमुख गुलाबराव वाघ यांनी सांगितले.