राष्ट्रवादी काँग्रेस पक्षाचे सर्वेसर्वा शरद पवार (NCP Chief Sharad Pawar) यांनी आपल्या पक्षाच्या प्रमुख नेत्यांची बैठक बोलावली. आज सायंकाळी 5 वाजता मुंबईत ही बैठक पार पडणार आहे. यशवंतराव चव्हाण (Yashwantrao Chavan) सभागृहात ही बैठक पार पडेल. या बैठकीला शरद पवार (Sharad Pawar), अजित पवार (Ajit Pawar), जयंत पाटील (Jayant Patil), छगन भुजबळ (Chhagan Bhujbal) उपस्थित असणार आहे. (NCP leaders meeting)
बैठकीत कुठल्या मुद्द्यांवरती चर्चा?
राष्ट्रवादी काँग्रेस पक्षाने बोलावलेल्या बैठकीत विविध मुद्द्यांवरती चर्चा होणार असल्याची माहिती समोर आली आहे. गेल्या काही दिवसांपासून भाजपकडून (BJP) महाविकास आघाडी (Maha Vikas Aghadi) सरकारवर करण्यात येत असलेले आरोप, नवाब मलिकांना झालेली अटक आणि त्यानंतर भाजपकडून मलिकांच्या राजीनाम्यासाठी होत असलेली जोरदार मागणी या मुद्द्यांवरती चर्चा होणार असल्याची माहिती समोर आली आहे.
यासोबतच नुकत्याच देशातील पाच राज्यांच्या विधानसभा निवडणुकीत (Assembly Election 2022) चार राज्यांत भाजपने एकहाती सत्ता मिळवली. या विजयांमुळे महाराष्ट्रातील भाजप नेत्यांचा आत्मविश्वासही वाढला. भाजपकडून महाविकास आघाडीच्या नेत्यांवरती होणारे आरोप, गुन्हे दाखल, ईडी, आयकर विभागाची धाड या वरुन राज्याचं वातावरण ढवळून निघाले आहे. या सर्व मुद्द्यांवरती राष्ट्रवादी काँग्रेस पक्षाच्या बैठकीत चर्चा होणार असल्याची माहिती समोर येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
