संतोष परब हल्ल्याप्रकरणी नितेश राणे यांना न्यायालयाने सुनावली पोलिस कोठडी

महाराष्ट्रातील राजकीय वातावरण मागील काही दिवसांपासून गाजत आहे. यातच आता केंद्रीय मंत्री नारायण राणे यांचे सुपुत्र नितेश राणे यांना उच्च न्यायालयाने 4 फेब्रुवारीपर्यंत पोलिस कोठडी सुनावली आहे. शिवसेना कार्यकर्ते संतोष परब यांच्यावर झालेल्या हल्ल्यामध्ये आमदार नितेश राणे यांचा संबंध असल्याचे समोर आले होते. (Nitesh Rane remanded in police custody in Santosh Parab attack case)

दरम्यान, शिवसेना कार्यकर्ते संतोष परब यांच्यावर झालेल्या हल्ल्यामध्ये आमदार नितेश राणे यांचा संबंध असल्याचे समोर आले होते. सिंधुदूर्ग जिल्हा बँक निवडणुकीच्या प्रचारादरम्यान सेनेचे (Shivsena) नेते संतोष परब (Santosh Parab) यांच्यावर हल्ला झाला होता. या हल्ल्याच्या मास्टरमाईंडला पोलिसांनी दिल्ली येथून ताब्यात घेतलं. त्यानंतर संपूर्ण प्रकरणात नितेश राणेंचा हात असल्याचे पुरावे पोलिसांना मिळाल्याचं म्हटलं होतं. या संदर्भात डिसेंबरमध्ये कणकवली पोलीस ठाण्यात नितेश राणे आणि इतरांविरुद्ध कलम 307 (हत्येचा प्रयत्न), 120 (ब) (गुन्हेगारी कट) आणि 34 (सामान्य हेतू) अन्वये भारतीय दंड संहिता (आयपीसी) अंतर्गत एफआयआर नोंदवण्यात आला होता.