Ajit Pawar: राष्ट्रवादी कॉंग्रेसचे अध्यक्ष शरद पवारांना आणखी एक धक्का बसला असून, नागालँडमधील राष्ट्रवादीचे सातही आमदार आणि संघटनेच्या पदाधिकाऱ्यांनी अजित पवार गटाला पाठिंबा दिला आहे.
राष्ट्रवादीचे (अजित पवार गट) राष्ट्रीय प्रवक्ते ब्रजमोहन श्रीवास्तव यांनी सांगितले की, नागालँडचे अध्यक्ष वानथुंग ओडिओ यांनी नवी दिल्लीत पक्षाचे राष्ट्रीय कार्याध्यक्ष प्रफुल्ल पटेल आणि महाराष्ट्राचे अध्यक्ष सुनील तटकरे यांची भेट घेतली. त्यांनी नागालँड राष्ट्रवादीच्या निर्णयाची माहिती दिली.
ओडिओ यांनी सात आमदारांसह सर्व पदाधिकाऱ्यांना पाठिंबा दिल्याचे प्रतिज्ञापत्र सादर केले. प्रफुल्ल पटेल यांनी नागालँडमधील राष्ट्रवादी काँग्रेसच्या राज्य कार्यकारिणी आणि जिल्हा घटकांना पूर्वीप्रमाणेच काम सुरू ठेवण्याचे निर्देश दिले.
या महिन्याच्या सुरुवातीला अजित पवार आणि राष्ट्रवादीच्या आमदारांनी शरद पवार यांची कोंडी केली आणि महाराष्ट्रातील शिवसेना-भाजप सरकारला पाठिंबा जाहीर केला.
अजित पवार आणि राष्ट्रवादीचे आमदार शिवसेना-भाजप सरकारमध्ये सामील झाले. बंडखोर गटाने महाराष्ट्रातील 53 आमदारांच्या बहुमताचा दावा केला आहे.
पक्षांतरविरोधी कायद्यातील तरतूद टाळण्यासाठी किमान 36 आमदारांचा पाठिंबा आवश्यक आहे.
अजित पवार यांनी प्रफुल्ल पटेल, छगन भुजबळ आणि दिलीप वळसे पाटील यांसारख्या राष्ट्रवादीच्या नेत्यांचा पाठिंबा मिळवला आहे आणि आपला गट 'खरा राष्ट्रवादी' असल्याचा दावा केला आहे, तर शरद पवार यांनीही अनेक नेत्यांवर 'पक्षविरोधी कारवाया' केल्याचा आरोप केला आहे.
गेल्या वर्षी एकनाथ शिंदे यांनी शिवसेनेत फूट पाडून भाजपशी हातमिळवणी करून उद्धव ठाकरे यांच्या नेतृत्वाखालील महाविकास आघाडी सरकारला सत्तेतून बाहेर फेकून दिले होते. अजित पवारांची ही चालही त्याच्यावर आधारीत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.