बीड जिल्ह्यातील परळी वैजनाथचे राष्ट्रवादी काँग्रेसचे आमदार धनंजय मुंडे यांच्या गाडीला अपघात झाला आहे. धनंजय मुंडे यांच्या कार्यालयाच्या वतीने फेसबुक व ट्विटरवर (Facebook And Twitter) पोस्टद्वारे ही माहिती दिली आहे. परळीकडे जात असताना चालकाचा वाहनावरील ताबा सुटल्यानं अपघात झाल्याचं पोस्टमधून म्हटले आहे.
(NCP MLA Dhananjay Munde meet with car accident in Beed)
धनंजय मुंडे यांच्या कार्यालयाची पोस्ट काय?
"मंगळवारी दिवसभर मतदारसंघातील कार्यक्रम व भेटी आटोपून परळीकडे परतताना रात्री 12.30 वाजण्याच्या सुमारास परळी शहरात माझ्या वाहनचालकाचा वाहनावरील ताबा सुटल्याने छोटासा अपघात झाला आहे. माझ्या छातीला किरकोळ मार लागला असून डॉक्टरांनी विश्रांतीचा सल्ला दिला आहे. काळजी करण्यासारखे काही नाही, कृपया अफवांवर विश्वास ठेवू नये."
दरम्यान, काही दिवसांपूर्वी भाजपचे सातारा जिल्ह्यातील आमदार जयकुमार गोरे यांचा देखील अपघात झाला होता. अधिवेशन उरकून घरी परत जात असताना फलटण येथे त्यांचा अपघात झाला होता. त्यांच्यावर सध्या पुण्यातील रूग्णालयात उपचार सुरू आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.