खंडणीच्या प्रकरणात फरारी अंडरवर्ल्ड डॉन दाऊद इब्राहिमच्या (Dawood Ibrahim) 'डी' कंपनीशी संबंधित पाच जणांना मुंबई पोलिसांच्या गुन्हे शाखेने मंगळवारी अटक केली. एका पोलीस अधिकाऱ्याने ही माहिती दिली. त्यांनी सांगितले की, पोलिसांच्या खंडणी विरोधी सेलने (AEC) नुकतेच सलीम कुरेशी उर्फ सलीम फ्रूट, गँगस्टर छोटा शकीलचा मेहुणा आणि व्यापारी रियाझ भाटी यांना खंडणीच्या एका प्रकरणात अटक केली होती. या सर्वांवर महाराष्ट्र संघटित गुन्हेगारी नियंत्रण कायद्यानुसार गुन्हा दाखल करण्यात आला आहे.
या पाच जणांना अटक करण्यात आली
अधिकाऱ्याने सांगितले की, या प्रकरणाच्या पुढील तपासादरम्यान अजय गंडा, फिरोज, समीर खान, पापा पठाण आणि अमजद रेडकर यांची भूमिका समोर आली होती. त्या आधारे पाचही जणांना अटक करण्यात आली आहे. त्याने सांगितले की, अंडरवर्ल्ड डॉन दाऊद इब्राहिमशी कथित संबंध असलेल्या रियाझ भाटीला गेल्या महिन्यात मुंबईतील (Mumbai) वर्सोवा पोलिसांनी खंडणीच्या एका प्रकरणात अटक केली होती.
इब्राहिमच्या जवळचेही नामांकित
पोलिसांनी (Police) यापूर्वी सांगितले होते की भाटीने वर्सोवा येथील एका व्यावसायिकाला धमकावले आणि त्याच्याकडे 30 लाख रुपयांची कार आणि सुमारे 7.50 लाख रुपयांची रोख मागितली. एफआयआरमध्ये इब्राहिमचा जवळचा सहकारी छोटा शकील आणि त्याचा नातेवाईक सलीम फ्रूट यांचीही नावे आहेत. मुंबई पोलिसांची ही मोठी कारवाई असून यामध्ये डी कंपनीच्या पाच जणांना अटक करण्यात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
