कोकणात सध्या मुसळधार पाऊस पडत आहे. रत्नागिरीसह शेजारच्या जिल्ह्यांना पावसानं झोडपून काढले आहे. अनेक भागात पूरसदृश्य परिस्थिती आहे. सकाळपासून सुरु असलेल्या पावसामुळे पुन्हा एकदा मुंबई-गोवा महामार्गावरील वाहतूक ठप्प झाली आहे. या महामार्गावरील अंजणारी पुलावरील वाहतूक बंद करण्यात आली आहे. तर दुसरीकडे, सातत्याने पडत असलेल्या पावसामुळे कोकणातील नद्यांनी धोक्याची पातळी ओलांडली आहे. खबरदारीचा उपाय म्हणून तात्काळ ब्रिटीशकालीन अंजणारी पुलावरील वाहतूक बंद करण्यत आलीये.
दरम्यान, गेल्या दोन दिवसांपासून पडत असलेल्या पावसामुळे रत्नागिरी जिल्ह्यातील राजापूर शहरात पुन्हा पूरसदृश्य परिस्थिती निर्माण झाली आहे. शहरातील अर्जुना आणि कोदवली नद्यांच्या पाण्याच्या पातळी प्रचंड वाढ झाली आहे. त्यामुळे पुराचे पाणी जवाहर चौकापर्यंत पोहोचले आहे. तर अर्जुना नदीपात्रात असलेलं पुंडलिक मंदिरही पाण्याखाली गेलं आहे.
पावसामुळे शहरासह ग्रामीण भागातील वीजपुरवठाही अनेक ठिकाणी खंडीत झालाय. काही ठिकाणी तर वीज वाहिन्यांवर मोठमोठी झाडे पडल्याने पोल आणि वीज वाहिन्या तुटून वीजपुरवठा खंडीत झाला. दुसरीकडे मात्र प्रशासनाने या भागातील लोकांना सतर्कतेच्या सूचना दिल्या आहेत. तसेच, जगबुडी नदीसह शास्त्री, काजळी, मुचकुंदी आणि कोदवली या नद्यांच्या पाण्याची पातळीत वाढ झालीये.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.