उद्धव ठाकरेंच्या टिकेला मनसे नेते बाळा नांदगावकरांचे ट्विटद्वारे उत्तर

मुख्यमंत्री आणि शिवसेना पक्षप्रमुख उद्धव ठाकरे यांची काल मुंबईत सभा पार पडली. यावेळेस त्यांनी अनेक बड्या नेत्यांच्या खरपूस समाचार घेतला. यामद्धे महाराष्ट्र नवनिर्माण सेनेचे सर्वेसर्वा राज ठाकरे यांचा देखील समावेश होता. (MNS leader Bala Nandgaonkar criticizes Uddhav Thackeray though tweet)

मुन्नाभाई एमबीबीएस चित्रपटाचा दाखला देत उद्धव ठाकरे यांनी राज यांच्यावर बोचरी टीका केली. उद्धव ठाकरे म्हणाले, "काहींना बाळासाहेब ठाकरे असल्यासारखे वाटते. मुन्नाभाई चित्रपटात कस त्याला गांधीजी दिसतात तस एकाला बाळासाहेब दिसतात, भगवी शाल घालुन फिरतो. म्हंटल अरे तो मुन्नाभाई तर लोकांच भल तरी करतो. त्यात शेवटी कळत की केमिकल लोचा झाला आहे, हे तसेच आहे."

या टिकेमुळे आता मनसे नेते आणि कार्यकर्ते आक्रमक झाले आहेत. मनसे नेते बाळा नांदगावकर यांनी ट्विट करत राज ठाकरे यांना हिंदूजननायक म्हणत त्यांचा गौरव केला आहे. बाळा नांदगावकर ट्विटमध्ये लिहितात, "शिवाजीपार्क सभेचा अनभिषिक्त सम्राट हिंदुहृदयसम्राट मा. बाळासाहेब ठाकरे आणि हिंदुजननायक मा. राजसाहेब ठाकरे. बाकी सगळे....जय हिंद, जय महाराष्ट्र"